amalinks wokungena

Breaking News

Ngubani Okumele Athole I-Voters Roll Ngokuphangisa?


Ugwalo lwabalelungelo lokuvota eZimbabwe, i-Voters Roll

Abekomishini ebona ngezokhetho eye Zimbabwe Electoral Commission – bathi ugwalo lwamagama abalelungelo lokuvota ele Voters’ Roll elihlelekileyo lizanikezwa abamabandla ezombusazwe ngemva kokuba amagama alabo abaphumeleleyo ukuncintisa kukhetho lukamongameli, amalunga edale lephalamende lolwamakhansila, eselotshiwe kugwalondaba lukahulumende olwe Gazzette.

Lingcazelo iza ngesikhathi uzulu labamabandla ezombusazwe bekhalaza ngokuphuza kwabeZEC ukutholisa abamabandla kanye lozulu iVoter’s Role, kodwa eyitholisa abakwamanye amazwe abanjenge Bhilitani ngesikhatshana esifitshane.

Umgcinisihlalo we ZEC u Justice Priscilla Chigumba uchasisa ukuthi umthetho uthini ngokutholakala kwe Voters’ Roll.

"Kunsukwana ezilandelayo lizobona amagama alabo abaphumelela ukwethula ingwalo zabo ku Nominations Court,sebephuma kumaphephandaba akuleli ngoba umthetho utsho njalo ukuba kumele sikwenze lokho. Umthetho uthi wona ekukhitshweni kwamagama alabo abazoncintisa ukhetho ephuma kugwalondaba lwe Government Gazettee kumele sibatholise leyo Voters’ Roll esiphelile njengokutshiwo ngumthetho ukuthi baluthole kungekho nhlawulo. Kumele sikwenze lokho singakalutholisi uzulu,nxa sesikwenzile ke kulapho uzulu anganelisa laye ukuluthola".

Abamabandla ezombusazwe aphikisayo adaniswa yikuthi iVoters’ Roll ikhanya itholwa lula ngabebandla elibusayo.

Kodwa abe ZEC bona bama ngelokuthi i Voters’ Roll ehlelekileyo ayikabi khona, ekhona etholwa nguzulu yiyona leyo alokhe besayisebenza ukukhipha konke okungamelanga kube khona.

Abazayithola kungela nhlawulo babikwa bengabancintisayo kukhetho abalamagama ayabe eselotshwe kugwalo olwe Government Gazette.

Udaba lweVoters Roll siluphiwa nguMavis Gama
please wait

No media source currently available

0:00 0:03:08 0:00

Facebook Forum

XS
SM
MD
LG