amalinks wokungena

Breaking News

UMongameli Obama Unqoba UMnu. Romney KuDebate


Obama

Kuqakathekile ukuphikisana ngemibono kulokuphikisana ngamahloka, induku,lokunye ukuhlukuluzwa njengokwenzakala eZimbabwe.

Inengi lengcwethi ezicubungula ezombusazwe zithi uMongameli Barack Obama yena ozanctintisa kukhetho oluzayo lokudinga umongameli khonapha eMelika emele ibandla lama Democrats unqobe omunye wakhe uMnu. Mitt Romney ozamela ama Republicans, kungxoxo-mpikiswano yabo yesibili eqhutshwe ngolweSibili ntambama.

Inengi lavumelana ukuthi uMongameli Barack Obama unqotshwe nguMnu. Mitt Romney kungxoxo efanayo edluleyo.

NgoLwesibili, ababili laba batshengisele amadlabuzane kudaba olugoqela ezokuvuselelwa komnotho welizwe kanye lobudlelwano beMelika lamanye amazwe.

UMnu. Romney usole kakhulu inhlelo zikaObama, yena ozivikele ngokuthi kunengi akuthembisayo asekufezile.

Ukuhlaziya loludaba, uSithandekile Mhlanga weStudio 7 uxoxe loMnu. Qhubani Moyo, isiphathamandla secele le MDC elikhokhelwa nguMnu. Welshman Ncube, yena ogcizelela ukuthi kuqakathekile ukuphikisana ngemibono njengalokhu okwenziwa eMelika, kulokuphikisana ngamahloka, induku, kanye lokunye ukuhlukuluzwa njengeZimbabwe.

please wait

No media source currently available

0:00 0:01:29 0:00
Lapho esitholakala khona
XS
SM
MD
LG