amalinks wokungena

Breaking News

UMongameli Obama Uthembisa Ukulungisisa Umnotho Welizwe


Umongameli Barack Obama weMelika wethule umbiko wakhe we State of the Union Address ngoLwesibili ntambama lapho athembise okunengi okugoqela ukukhwezela izisebenzi iholo

Umongameli Barack Obama weMelika wethule umbiko wakhe we State of the Union Address ngoLwesibili ntambama lapho athembise ukuthi uzakwenza yonke imizamo yokuthuthukisa umnotho welizwe egoqela ukubumba imisebenzi, ukukhwezela izisebenzi iholo, wagcizelela ukuthi nxa kusenzakala, uzasebenza engelamvumo ye congress.

Umongameli Obama uthe iholo eliphansi elesisebenzi lizakhutshulwa lisuka kumadola ayisikhombisa lisiya kumadola alitshumi njalo labo abatshiya umsebenzi bazathola impentsheni yokubaphilisa eneleyo.

Abamsolayo uMongameli Obama bathi kalethenga inguquko elohlonzi kwezomnotho welizwe selokhu wathatha intambo zombuso kuminyaka eyisithupha edluleyo.

Asizweni amazwi kaMongameli Obama.

please wait

No media source currently available

0:00 0:00:45 0:00
Lapho esitholakala khona



Ukuhlaziya loludaba, sixoxe loMnu. Dumaphi Mema, isiphathamandla senhlanganiso elwela amalungelo ezizalwane zeZimbabwe ezihlala emazweni, eye Association of Zimbabweans Based Abroad.

UMnu. Mema uthi kusobala ukuthi ibandla lama Republicans liyavimbela ezinye inhlelo zikamongameli Obama, yena owebandla lamaDemocrats, osokubangela ukuthi anqume ukusebenza engelamvumo yalelibandla.

please wait

No media source currently available

0:00 0:02:53 0:00
Lapho esitholakala khona
XS
SM
MD
LG