amalinks wokungena

Breaking News

I-ZEC Iphiwa Imali Yokuqhuba Ukhetho lweReferendum


Lanxa kufuneka i-$85million, imali etholakeleyo izancedisa kunhlelo ezimqoka zokhetho lwereferendum

Okhokhela iqula le SADC elizohlolisisa ngokuqhutshwa kokhetho lweReferendum eZimbabwe uMnu. Bernard Membe ngoMvulo utshayele ihlombe uhulumende womanyano ngokusebenza ndawonye kuhlelo lokulotshwa kutsha kwesisekelo sombuso luze lufike kusibanga sokulungiselela ukhetho lwereferendum, okukhangelelwe ukuqhutshwa kuyonale impelaviki.

UMnu. Membe, omele uMongameli Jikaya Kikwete wele Tanzania, ongumgcinisihlalo wogatsha lwe SADC olubona ngezomvikela lezombusazwe olwe Organ of Defence and Politics okwamanje, ukhokhela inkalakatha yequla elilamalunga alikhulu.

Uhulumende usanda kwazisa ukuthi kasoze avumele amazwe womanyano we European Union kanye lelizwe leMelika ukuthi azohlolisisa ukhetho elizweni ngenxa yezijeziso elazethesa eleZimbabwe.

Lokhu kwenzakala eleKenya, lalo ebelibuswa nguhulumende womanyano, lisanda khetha uMnu. Uhuru Kenyatta ukuba ngumongameli.

Ukuze sihlaziye ukuthi ukhetho lweReferendum lungaqhubeka njani kwele Zimbabwe luqathaniswa lolwe Kenya, uSithandekile Mhlanga weStudio 7 uxoxe loMnu. Liberty Bhebhe, ingcwethi ecubungula ezombusazwe, yena ochasisa ukuthi eleKenya lazilungiselela kakhulu okwedlula eleZimbabwe ukuqhuba ukhetho olukhululekileyo.

please wait

No media source currently available

0:00 0:02:25 0:00
Lapho esitholakala khona

Kusenjalo, umphathintambo wezemali uMnu. Tendai Biti utshele intathelizindaba ngoMvulo eHarare ukuthi uhulumende usenike ikhomishini ebona ngokuqhutshwa kokhetho eye Zimbabwe Electoral Commision-ZEC imali eyedlula kancane izigidi ezingamatshumi amathathu-$31.5million eyokuqhuba ukhetho lweReferendum ngempelaviki ezayo.

UBiti wengeze wathi lanxa kufuneka izigidi ezedlula ezingamatshumi ayisitshiyangalombili zamadola-$85million, imali etholakeleyo izancedisa kunhlelo ezimqoka zokhetho lweReferendum.

Uthe uhulumende ulokhu esadinga imali yokuqhuba ukhetho lokudinga umongameli kanye lamalunga edale lephalamende, elesenate, lolwamakhansili okukhangelelwe ukuqhutshwa ngoNtulikazi.
XS
SM
MD
LG