amalinks wokungena

Breaking News

Odokotela Abaseleminyaka Besemsebenzini AmaSenior Doctors Labo Sebeqale Ukukhalala Umsebenzi


Balambe okumangalisayo odokotela ...
Balambe okumangalisayo odokotela ...

Odokotela abaseleminyaka besemsebenzini abenhlanganiso eye Senior Doctors Association baqale ukukhalala umsebenzi lamuhla bekhala ngeholo abathi lincane kakhulu langesimo esibi esisezibhedlela.

Odokotela lokhu bekhalala umsebenzi
Odokotela lokhu bekhalala umsebenzi

Lokhu sekutshiye abagulayo besebunzimeni njalo bekhalaza kuhulumende ukuba alungisise loludaba ngesiphangiphangi njengoba kungasela odokotela ezibhedlela.

Ukukhalala umsebenzi kwamaSenior Doctors kuza ngesikhathi odokotela abasanda gqiba izifundo belokho besemba phansi bethi kababuyeli emsebenzini abakhala ngakho kungakalungisiswa.

Odokotela benhlanganiso ye Zimbabwe Hospital Doctors Association sebelenyanga bekhalala umsebenzi bekhala ngokuthi kabasanelisi inldeko yokuya emsebenzini njengoba iholo labo lingeneli.

Odokotela abakhalala umsebenzi betshengisela
Odokotela abakhalala umsebenzi betshengisela

Unkosikazi Ester Maunganidze ngomunye wabakade belande ukuzokwelatshwa namhlanje wafica kungela odokotela.

“Sidluliselwa kulezi zibhedlela ezinkulu sivela kwezincinyane, ukuthi sitholiswe usizo lwengcitshi kodwa kasilitholi. Simphonguhlala lapha silenhlungu zethu. Kungani uhulumende engalungisisi udaba lokungezelela odokotela iholo labo ukuze babuyele emsebenzini, basize abagulayo”

Omunye wabodokotela ongathandanga ukubethwa ngegama uthi ukubona izigulane ziswela ozisizayo ezibhedlela kuyamzwisa ubuhlungu.

“Siyehluleka ukuya emsebenzini, imali kazikwani. Kayisiyo Mpilo esingayiphila ukuthi inyanga nxa isisiyaphela kumbe iholo selizafika sekusele two weeks, sekumele uboleke izimali ukuthi ukwanise ukuthi ube ulokhu uqhubeka usiya emsebenzini. Ayisiyo mpilo esayihambelayo esikolo, ayisikho esikufunayo, esikufiselayo nxa sisithi singodokotela ”

Odokotela bathi ababuyeli emsebenzini zize zilungisiswe inhlupho zabo zeholo
Odokotela bathi ababuyeli emsebenzini zize zilungisiswe inhlupho zabo zeholo

Usola uhulumende ngokwehluleka ukunakekela izizalwane zeZimbabwe ezambeka embusweni.

“Kutshengisela lakho ukuthi kabalandaba labantu abagulayo abasezibhedlela.

Ngabe kuthiwa balendaba labo ngabe kuthiwa bayasengezelela izimali zethu sithole ukubuyela emsebenzini, siyenze umsebenzi wethu, sigcine abantu abagulayo sibalaphe, into zibuyele back kulokho ebeziyikho khona”

Odokotela badinga ukwengezelelwa iholo kanye lokokusebenzisa okweneleyo ukuze kusebenzeke ezibhedlela.

Odokotela bathi akusasebenzeki ezibhedlela
Odokotela bathi akusasebenzeki ezibhedlela

Abasanda kugqiba izifundo amaJunior Doctors esibhedlela se Parirenyatwa abafole belubhekise emahofisini abeboard yezempilakahle eye Health Services Board izolo bathi kababuyeli emsebenzini baze bangezelelwe iholo njengoba abalitholayo lingeneli indleko yokuya emsebenzini.

please wait

No media source currently available

0:00 0:02:24 0:00


XS
SM
MD
LG