amalinks wokungena

Breaking News

Odokotela Bakhalala Umsebenzi Ezibhedlela zeHarare


Bekuselatshwa abadinga uncedo lwesiphangiphangi kuphela esibheldlela se Parirenyatwa.

Odokotela asebeqede izifundo, amaspecialist consultant kumbe senior doctors ngesilungu, sebekhalale umsebenzi besithi umsebenzi unzima kakhulu ngenxa yokusilela kwezinto zokusebenzisa esibhedlela.

Odokotela be Parirenyatwa lase Avenues eHarare yibo asebeqale ukufaka phansi izikhali zabo.

Bathi ababuyeli emsebenzini nxa umumo ezibhedlela ungalungisiswanga ngoba ususedlula ukonakala okwakukhona ngesikhathi kuze kukhalale umsebenzi odokotela abasafundela umsebenzi nyakenye.

Lokhu ngokwakuqala ukuthi odokotela asebeqede izifundo bakhalale umsebenzi ngoba esikhathini esedluleyo kwandise ukukhalala odokotela abafundela umsebenzi abathiwa ngama junior doctors ngesingisi.

NgoLwesibili bekuselatshwa izigulane ezidinga uncedo lwesiphangiphangiphangi, abathiwa yi emergency ngesilungu.

Kwesatshelwa ukuthi ukukhalala umsebenzi kwabodokotela laba kuzasabalala kufinyelele amanye amadolobho.

Umholi wesibhedlela se Mpilo, udokotela Solwayo Ngwenya utshele iStudio Seven ukuthi kobulawayo bebengakakhalali umsebenzi.

UChris Gande westudio Seven uxoxe lokhansila wedolobho le Harare uMnu. Thamsanqa Hadebe ukuze sizwe umumo wezibhedlela osubangele ukukhalala umsebenzi kwabodokotela.

please wait

No media source currently available

0:00 0:01:58 0:00


Facebook Forum

XS
SM
MD
LG