amalinks wokungena

Breaking News

ODokotela Bakhalala Umsebenzi Ilizwe Lonke Bekhala Ngeholo


Odokotela
Odokotela

Odokotela bezibhedlela zikahulumende, abakhalale umsebenzi izolo, sebekhuthazwe ngumqatshi ukuthi babuyele emsebenzini izikhalazo zabo zisacutshungulwa.

Iphephandaba le The Herald lithi phakathi kwabodokotela abangamakhulu amabili lamatshumi amathathu, 235, abasebenza esibhedlela se Parirenyatwa bekulabangamatshumi amathathu kuphela abaze emsebenzini izolo.

KoBulawayo lakho kubikwa bekulabodokotela abalutshwana kakhulu izolo. Enye ingxenye yesibhedlela, elezigulane ezelatshwa ziphindela ekhaya, ibikwa ibivaliwe ngoba kungela bodokotela.

Odokotela laba bazise uhulumende kumaviki amabili adluleyo ukuthi engayekela ukulungisisa izikhalazo zabo ezigoqela iholo, ama allowance lokunye bazakhalala imisebenzi.

Sixoxe lesikhulumeli senhlanganiso yabodokotela eye Hopital Doctors’ Association, uDokotela. Mxolisi Ngwenya othi odokotela abakhalalanga umsebenzi kodwa okwenzakalayo yikuthi abala mali yokuthi baye emsebenzini.

XS
SM
MD
LG