Ukukhalala umsebenzi okwenziwe ngodokotela abasanda qala umsebenzi kuqhubekela phambili lanxa umsekeli kamphathintambo wezempilakahle, uMnu. Aldrian Musiiwa etshele intathelizindaba ngempelasonto esithi sebenvumeleni labodokotela ukuthi basayine izivumelwano zama contract.
UMusiiwa utshele umsakazo we Zimbabwe Broadcasting Corporation esithi bavumelene ngoLwesihlanu ukuthi babuyele emsebenzini.
Kodwa omunye udokotela, uMartin Mlilo, utshele iStudio Seven ukuthi umhlangano abawenze ngoLwesihlanu awuzange uphumelele ngoba bekhulume leziphathamandla zikahulumende ebezimmele uhlangothi olwe Health Services Board.
Odokotela laba kwakumele basayine amakontilaki amatsha ekuqaleni kwayonale inyanga kodwa bala besithi isivumelwano sankona sephula ilungelo labo.
Ukukhalala umsebenzi lokhu sekubangele ukuvalwa kwezinye izigaba zezibhedlela ezinkulu elizweni ezithi, iMpilo Hospital sakoBulawayo le Harare Central.
I-Studio Seven kayenelisanga ukuxoxa labodokothela laba ukuze sizwe icele labo yenelisa ukuxoxa lomunye wabaye esibhedlela seMpilo ngoMvulo, ophila lesifo senso, uMnu. Jabulani Nyathi othi lanxa bekulobubelo esibhedlela lesi bekulokhu kuvaliwe.
"Kuyasihlukuluza kakhulu ngoba siyabe singelamali njengoba yokuthi siye kuma private doctors," kutsho uNyathi.
Esithi bebekhona abalutshwana abakade beselatshwa ngoMvulo ethi kukhanya abanye sebeze bebanjwa ngamandla ukuyadinga ukwelwatshwa kubosiyazi lakuma porofitha.
