amalinks wokungena

Breaking News

Odokotela Bazisa Ngokuphuma Kwabo kuHealth Apex Council


Odokotela betshengisela bethi ababuyeli emsebenzini.

Odokotela abasanda kugqiba izifundo, abenhlanganiso yeZimbabwe Hospital Doctors Association, baqhubekele phambili bekhalala umsebenzi lanxa bethuselwe ngumpathintambo wezempilakahle uMnu. Obadia Moyo ukuthi nxa bengabuyelanga emsebenzini ngoMvulo bazosiwa emthethwandaba.

Odokotela bahle balobela uhulumende incwadi yokumazisa ngokuphuma kwabo enhlanganisweni yezisebenzi zikahulumende eyeHealth Apex Council besithi abasela themba lokuthi imele izikhalazo zabo.

Unobhala jikelele wenhlanganiso yabodokotela eye Zimbabwe Hospital Doctors Association (ZHDA), uDr Tawanda Zvakada uchasisa ngokubafuqe ukuthi baphume kuHealth Apex Council.

“Inkokheli yeZimbabwe Hospital Doctors Association zilazisa ngokusuka kwethu kunhlanganiso yeHealth Apex Council. Sekusegcekeni ukuthi inkundfla yokukhulumisana ayimelanga izikhalazo zabadokotela. Sesinanzelele ukuthi iHealth Apex Council isiyehlulekile ukusimelela kunkulumo lohulumende. Silezikhalazo ezitshiyeneyo njengezisebenzi kuhlangothi lwempilakahle.”

Umphathiskhwama weZHDA uDr Prince Batau uthe bafuna ukufikisa insuku ezilikhulu bengekho emsebenzini nxa uhulumende engalungisisanga inhlupho zabo.

“Sifuna ukufika kunsuku ezilikhulu. Ikhulu lamalanga silapha asiyi ndawo. KuZibandlela sehluleka ukufika kunsuku ezilihulu kodwa kathesi sifuna ukufika kunsuku ezilihulu sibone ukuthi kuyahamba kanjani. Kualabo abakade becabangela ukuthi kumbe sizacina kuviki kumba kunyanga eyodwa sithi hatshi, sifuna ukufika kunsuku ezilihulu sibone”

Ukukhalala umsebenzi kwabodokotela sekutshiye izigulane ezibhedlela zeParirenyatwa leHarare Hospital zingela owelaphayo. Inengi labo selizama ukuthola usizo kubodokotela abazimele bodwa kodwa bathi kudingakala inhlawulo yedola leMelika lona engasatholakali lula elizweni.

Omunye wabo nguGogo, uJane Nkala okhala ngalinhlawulo yedola leMelika.

“Singabona kusehlula siyamelela bonalaba bezebaqalise, kungaba nzima kakhulu. Khathesi kunje imali lezi zokuya bhadala kazikwananga, ngiphinde ngihambisele into engasoze ikhanye. Uthi khona uyabhadalisa amaphilisi ngama US Dollars.”

UNkosazana Dorcas Hondo isakhamuzi seHarare ukhalaza kumpathintambo wezempilakahle ukuthi azame icebo.

“Okhokhela ugatsha lweze mpilakahle baba Obadiah Moyo siyakucela sibili, siyizigulane silapha eParirenyatwa asila muntu oselaphayo. Kuma Wards abantu bayafa beswela imithi, beswela odokotela abangabasiza. Sicela ukuthi eyamukele izikhalazo zabo dokotela, lengeze iholo labi benelise ukuthi baphile sikhangele isimo ersiselizweni”

Namhlanje kufike amalanga angamatshumi amathathu lanhlanu odokotela bekhalele umsebenzi kodwa bathi bafuna ukufika insuku ezilihulu bengabuyi emsebenzini nxa uhulumende engegcwalisisanga izifiso zabo.

Okwakhathesi odokotela bahola amadola eZimbabwe, edlula kancane inkulungwane-$1,200 okuyimali abathi kayeneli indleko yokubasa emsebenzini.

Umphathintambo wezempilakahle uMnu. Obadiah Moyo uthembise ukubengezelela iholo ngesilinganiso sokungamatshumi ayisikhombisa- ngeviki edluleyo. Waxwayisa ukuba babuyele emsebenzini ngoMvulo, nxa bengabuyanga uhulumende uzabathathela amanyathelo.

Kodwa odokotela bale ukwamukela lesi silinganiso besithi kasihambelani lesilinganiso sokuqonga kwentengo yempahla ezitolo.

Loba ilizwe selingasasebenzisi imali yaphandle, odokotela bathi bafuna imali yabo iyi RTGS kodwa iqathaniswa ledola leMelika.

please wait

No media source currently available

0:00 0:03:29 0:00

Facebook Forum

XS
SM
MD
LG