amalinks wokungena

Breaking News

Inkokheli Yezomvikela Isingenele Kudaba Lokukhalala Umsebenzi Kwabodokotela


uMongameli Emmerson Mnangagwa
uMongameli Emmerson Mnangagwa

Isikhulumeli sikamongameli Emmerson Mnangagwa uMnu. George Charamba uthi ukukhalala umsebenzi okwenziwe ngabodokotela lokuzenziwa ngababalisi kulezombusazwe phakathi.

Ngalokho uthi inkokheli yabezomvikela phansi kogatsha lwe Joint Operations Command ihlangene yavumelana ukuthi kulesandla sezombusazwe kudaba lolu yikho sebengenele.

Ukuhlaziya loludaba sixoxe lengcwethi ecubungula ezombusazwe, uMnu. Ambrose Sibindi endawonye lomlandeli webandla leZanu PF, uMnu. Joseph Tshuma.

Uthi ukungenela kweJOC akuphendlelwanga indlela libandla leZanu PF.

“Ngibona engani ukuthi ukuthathe njalo kuyabe kuyikuphosisa, asokwehluleka kodwa ke yimbamba ndawonye, ingatsha zonke zibamba ndawonye,” kutsho uTshuma.

Uthi ngabe lamabandla aphikisayo lawo nga ayangenela ancedise ngoba lokhu kudinga izizalwane zonke zeZimbabwe ukuze ilizwe liqhubeke lisiya phambili ngokuzama ukuvuselela umnotho.

Wengezelele esithi wonke umuntu engakathiwa ngowebandla liphi kumele athiwe ngowe Zimbabwe.

USibindi uthe abantu bebekhangelele ukuthi impilo yabo iqhubeke isiba ngcono.

“Okokuqala engingakutsho yikuthi lapho okusilela khona iZanu PF kula; into enkulu yikuthi nxa kuzathathwa izinqumo ezi affecta ilizwe lonke leZimbabwe kuqakathekile ukuthi kube le dialogue, lokhu okuthiwa yi-consultation ngeSilungu. Ngibona engani iZanu PF iyehluleka khonapho.”

Uthi ibandla leZanu PF bekulendlela yokukhulumisana phansi kogatsha lwe Tripartite Negotiating Forum kodwa iZanu PF iyadelela lolugatsha.

Kodwa uTshuma uthi uMnangagwa ubuye ngesimo sokuvula amasango lokukhulumisana lozulu kodwa udubo yikuthi abanye basuka babe lokuthethisa.

please wait

No media source currently available

0:00 0:05:10 0:00

XS
SM
MD
LG