amalinks wokungena

Breaking News

Odokotela Bakhulumisana LoHulumende Ngokwengezelelwa Iholo


Isibhedlela seMpilo

Odokotela bahlangane lomphathintambo obona ngezempilakahle uDokotela David Parirenyatwa, umsekeli wakhe uMnu. Paul Chimedza, kanye lezinye iziphathamandla zikahulumende.

Odokotela abasebenza ezibhedlela zikahulumende abakhalale umsebenzi ngoMvulo bekhalaza ukuthi uhulumende abengezelele iholo bahlangane leziphathamandla zikahulumende ngoLwesibili ntambama ukuxoxisana ngaloludaba, kodwa bathi lokhu akutsho ukuthi bazabuyela emsebenzini ngoba inkulumo lezi zisaqhubeka.

Isiphathamandla senhlanganiso ebona ngamalungelo alaba odokotela uMnu. Ermason Pazara utshele iStudio 7 ukuthi bahlangane lomphathintambo obona ngezempilakahle uDokotela David Parirenyatwa, umsekeli wakhe uMnu. Paul Chimedza, kanye lezinye iziphathamandla zikahulumende.

Kodwa walile ukucaca ukuthi kuhlafunweni kulumhlangano, esithi iziphathamandla zenhlanganiso yakhe zizaxoxisana lamalunga azo ukuzwa ukuthi bayavumelana lokuphume kulumhlangano na.

Ukuze sihlaziye loludaba, sixoxe loMnu. Ambrose Sibindi, isiphathamandla senhlanganiso elwela amalungelo ezakhamizi eye Bulawayo Progressive Residents Association.

UMnu. Sibindi utshele uSithandekile Mhlanga weStudio 7 ukuthi abantu bathwele amagabha avuzayo koBulawayo ngoba isibhedlela seMpilo leseUnited Bulawayo Hospitals yizo ezithenjwe ngabanengi, kukanti labo odokotela kufanele bephiwe imfanelo zabo.

Ingxoxo LoMnu. Ambrose Sibindi
please wait

No media source currently available

0:00 0:02:04 0:00
Lapho esitholakala khona

XS
SM
MD
LG