amalinks wokungena

Breaking News

Odokothela: Singeke Sasukumela amaDollar Amabili Ukuya Emsebenzini


Abongi esibhedlela seHarare Hospital

Odokotela labongi bacine bengayanga emsebenzini ngoLwesihlanu lanxa bebethenjiswe ukuphiwa amadola amabili ngamunye eyokugada ukuya emsebenzini njengoba bebevele bethe kabayi emsebenzini nxa bengaholiswanga.

Inhlanganiso yabodokotela, eye Zimbabwe Hospital Doctors’ Association- ZDHA, ithi ukuxwayisisa ekwenzileyo kuveze ukuba odokotela abangifika isilinganiso sokungamatshumi ayisithupha ekhulwini -60%, abayanga emsebenzini.

Kuthi kwezinye izibhedlela ezifana le Harare Hospital abongi abanengi abayanga emsebenzini okubangele ukuthi abesifazane abazithweleyo bengatholi uncedo.

Uhulumende udlulisele phambili amalanga eholo labo ngamaviki amabili osekuzakwenza behole ngoMvulo ozayo mhlaka 04 Zibandlela 2016.

Kodwa inhlanganiso yabodokotela ithi inengi lezisebenzi zezempilakahle zikhangelelwe ukukhalala umsebenzi kunsukwana ezinutshwana ezilandelayo ngoba sekule hungahunga lokuthi ilanga leholo lizadluliselwa phambili njalo liye mhlaka 12 wayonale inyanga.

Embikweni owethulwe yinhlanganiso le, eye ZDHA ithi ithumele abanye odokotela ukuthi baye lapho okudingakala uncedo lwesiphangiphangi ngoba ilesineke hatshi njengohulumende ethi ubatshiye besiya kukhefu leKhisimusi umangoye elala eziko.

Isiphathamandla sebandla le MDC ekhokhelwa nguMnu. Welshman Ncube, uNkosazana Rita Ndlovu utshele lumsakazo ukuthi okwenziwa nguhulumende yisihluku.

"Ungazuzubone uhulumende esenikeza abantu abanjengodokothela, abantu abahloniphekayo empakathini abaziwa ukuthi baphatha umsebenzi omkhulu, amadollar amabili kuphela kutshengisa ukuthi useyehlukile ngempela njalo usephelelwe ngumpako". "Odokothela uthi bangasukumela okuyimali okuncane kangaka, lesi yisihluku ngempela esenziwa nguHulumende" kutsho uMaNdlovu.

please wait

No media source currently available

0:00 0:01:51 0:00
Lapho esitholakala khona

XS
SM
MD
LG