amalinks wokungena

Breaking News

Abanye Abantu Bathukuthele Ngokuzaphiwa Owake Wabangumongameli


Owayengumongameli uMnu. Robert Mugabe
Owayengumongameli uMnu. Robert Mugabe

UMongameli Emmerson Mnangagwa useyethule okusemthethweni kugwalondaba lukahulumende, igovernment gazette, imigoqo yokunika okutshiyeneyo umuntu osetshiye umsebenzi kamongameli welizwe leZimbabwe.

Owayengumongameli uzaphiwa ithuba lokusebenzisa indizamtshina esuka elizweni kane ngomnyaka njalo uzakhetha ukuthi ufuna ukwakhelwa ngaphi indlu elamakamelo amahlanu nxa engafuni indlu uyaphiwa imali elingana lentengo yendlu.

Ozatshiya umsebenzi wokukhokhela ilizwe uzavunyelwa ukuphiwa abamgcinayo, ama bodyguards abane kumbe abangadluli abayisithupha.

Kuzamele obengumongameli aphiwe abatshayeli bezimota ezomhlobo we Mercedes Benz ababili, osibalukhulu ababili abe lewofisi elokufunakalayo. Imota lezi zizamele zithathwe aphiwe ezinye ngemva kweminyaka emihlanu.

Lokhu lokunye okunengi kuzahle kuqale ukusebenzela uMnu. Robert Gabriel Mugabe.

Kodwa okumele kutholwe ngowayengumsekeli kamongameli akwaziswanga. Sixoxe lengcwethi ezicubungula ezombusazwe, uMnu. Bhekilizwe Bernard Ndlovu endawonye loMnu. Cassius Jayz Simana Mpofu.

“Kukabili, nxa umuntu ephuma kuhle emsebenzini hatshi indlela uMugabe asuswa ngayo ngoba siyakwazi ukuthi kazange akhethe ukuphuma, yinto yakuqala. Okwesibili, udilizile ilizwe ngakho ukumupha konke lokhu yikubongani,” kutsho uMpofu.

UNdlovu laye uvumelana loMpofu esithi kumele kukhangelwe lokuthi yena vele umongameli uyabe engene njani esikhundleni.

“Asithi mina ngibe ngumongameli ngileminyaka engu40 after five years ngitshiye umsebenzi besenginikwa konke lokhu njengomuntu osegugile,” kutsho uNdlovu.

please wait

No media source currently available

0:00 0:05:06 0:00

XS
SM
MD
LG