amalinks wokungena

Breaking News

Okwenzakala Kubandla leMDC-T Kutshiya Umanyano we MDC Alliance Usumatasatasa


UMnu Elias Mudzuri ngomunye wabasekeli bakaMnu M.rgan Tsvangirai.

Ekuqhubekeni kokudonselana amandla kubandla leMDC-T, umanyano weMDC Alliance lawo usuhlaselwe ludubo lokukhankasela ukhetho oluzayo kunyanga ezilutshwana ezilandelayo.

NgoLwesithathu isikhulumeli sikamongameli Morgan Tsvangirai, uMnu. Luke Tamborinyoka, wethule umbiko othi uTsvangirai usekhethe uMnu. Nelson Chamisa ukuthi abe ngosabambe isikhundla sakhe.

Kodwa lisiyatshona besekuphume omunye njalo umbiko olencwadi elempawu zewofisi kamongameli othi uMnu. Elias Mudzuri ulokhe ebambe isikhundla sika Tsvangirai.

Kwathi ngoLwesine ekuseni uTamborinyoka ube lomhlangano lentathelizindaba esazisa ukuba umbiko owethulwe izolo ulempawu lesiginetsha ka Tsvangirai ngowamanga.

Kodwa isikhulumeli sebandla, uMnu. Obert Gutu, yena wathi uMudzuri nguye olokhe ephethe intambo lanxa kuthiwa ukwele South Africa kanye lomunye njalo umsekeli kamongameli, uMnu. Thokozani Khupe.

Lokhu sokutshiye abakumanyano weMDC Alliance labasekeli bebandla leMDC-T sebetshayana amakhanda.

Ukuhlaziya loludaba sixoxe lelunga lebandla leNational People’s Party, uMnu. Sengezo Tshabangu, endawonye lomsekeli wesikhulumeli sebandla elikumananyano weMDC Alliance, eleNational People’s Party, uMnu. Edwin Ndlovu.

UNdlovu uthe, "Thina sibona engani kuMDC Alliance izinto zihamba kahle ngoba kuma rallies abantu bababanengi, ubukhokheli bubakhona akulanto embi esingathi iyenzakala. Sibona abantu besethuswa yilokho okwenzakala kubandla le MDC-T kanti angiboni ukuthi yinto enkulu engaphambanisa umanyano we MDC Alliance."

Kodwa uTshabangu uphikise okukhulunywa nguNdlovu esithi uNdlovu ugida eziqakezela.

"IMDC-T hatshi iMDC Alliance, libandla elikhulu eZimbabwe .... Ibandla leMDC eliyilo elikhulu abantu kade belikhangelele ukuthi lizaguqula izinto sekusiba lokulwa lobudlwangudlwangu kuyabisela istruggle sethu emuva," kutsho uTshabangu.

Uthi okwaphambanisa ekuqaleni yikuthi ibandla laphiwa isibongo somkhokheli okwenza kubenzima ukuthi omelamayo athathe intambo zombuso.

please wait

No media source currently available

0:00 0:05:29 0:00

Facebook Forum

XS
SM
MD
LG