amalinks wokungena

Breaking News

Omama Ababili be Chinhoyi Bacatshangelwa Ukuthi Babanjwa Beloya


Omama ababili abendileyo abe Chinhoyi eMashonaland West kubikwa bekhandwe kunsukwana ezedluleyo beloya kulandela ukuwa kwabo kukhomani lokuloya.

Unkosikazi Rosemary Kamanga lo Nkosikazi Esnath Maodza abahlala elokitshini le Shackleton duzane ledolobho le Chinhoyi kubikwa ukuthi bawiswa kukhomani lolu ngomunye wabo uNkosikazi Shylet Muzeza bevela loya endaweni okuthiwa yi Alaska.

Kubikwa ukuthi bawela endlini kaMnu. Ernest Mafunga owokholo lwe lwesipositoli owaphaphama emadabukakusa wabathola benqunu besithi badinga omunye wabo lenyama yabafileyo.

Uzulu wathi gwaqa endlini kamMnu. Mafunga lapho omama laba abavuma khona ukuthi ngabathakathi bezigodo.

Kubikwa ukuthi bahanjiswe emapholiseni acine ebafaka emthethwandaba lapho umantshi uMnu. Fanny Nyakudya othe kumele bayehlolwa emakhanda njengoba bengani baphambene.

Umnu. David Mhabinyana Ngwenya inyanga elodumo uthe kuyenzakala ukuthi omama laba ngabathakathi.

XS
SM
MD
LG