amalinks wokungena

Breaking News

Omunye Wabasungula iMDC uMnu Esaph Mdlongwa Kasekho


Omunye wabasungula ibandla leMDC uMnu Esaph Mdlongwa kasekho.

UMdlongwa ubikwa ebhubhele esibhedlela seMater Dei koBulawayo izolo. Inkundla yeZimLive ithi udliwe ngumkhuhlane weCovid-19.

Umufi waba ngunobhala weMDC wakuqala owayebona ngokuqhutshwa kwenhlelo zalelibandla (Organizing Secretary) njalo wake waba ngumeli wePumula-Luveve edale lephalamende.

UMdlongwa onguyise kaOskido, umhlabeleli wakweleSouth Africa odumileyo uOskido, wasebenza kunkampani kaloliwe eyeNational Railways of Zimbabwe (NRZ) elilunga lenhlanganiso yezisebenzi iZimbabwe Congress of Trades Unions (ZCTU) loMnu Morgan Tsvangirai, uGibson Sibanda labanye basungula ibandla leMDC bonke.

Abasebenza laye abagoqela umsekeli kamkhokheli weMDC Alliance uMnu Welshman Ncube bathi uMdlongwa ubengumuntu olungileyo njalo obesebenza kuhle labanye.

Ilunga leMDC Alliance uMnu Albert Mhlanga utshele iStudio 7 ukuthi umufi ubengumuntu olungileyo njalo uthi nguye owamkhuthaza ukuthi angene kuMDC.

please wait

No media source currently available

0:00 0:01:37 0:00

Facebook Forum

XS
SM
MD
LG