WASHINGTON DC —
Osakhulayo weMDC Alliance uMnu Makomborero Haruzivishe uzagwetshwa namuhla kulandela ukufunyanwa kwakhe elecala lokuphehla udlame lelokwala ukubotshwa lipholisa.
UHaruzivishe ulakho ukwetheswa isigwebo sokupika okweminyaka efika kwengamatshumi amabili kumbe ukuhlawuliswa ifayindi kumbe etheswe konke kokubili.
Ibandla leMDC Alliance liyakusola ukufunyanwa kwakhe elamacala la lisithi imithethwandaba isetshenziswa libandla leZanu PF ukuhlukuluza amalunga alo.
Kodwa iziphathamandla zeZanu PF lezikahulumende ziyakulandula lokhu.
Olwela amalungelo oluntu uMnu Mbuso Fuzwayo utshele iStudio 7 ukuthi okwenzakale kuHaruzivishe kumele kwethuse abalwela amalungelo oluntu ngoba kungehlela yiloba ngubani ochothoza umbuso kaMongameli Emmerson Mnangagwa.