Abaphila ngokuntshintsha imali eyamzwe atshiyeneyo, abadume ngelokuthi ngosiphatheleni, sebeqale njalo ukwenza umsebenzi wabo emgwaqweni kulandela ukusilela kwemali emabhanga.
Abantu laba babengasekho ezitaladeni kulandela ukusetshenziswa kwemali yamanye amazwe, ikakhulu amadola eMelika.
Kodwa kunyanga ezimbalwa ezedluleyo abantu laba sebeqalisile ukungena njalo ezitaladeni betshintsha imali yakwamanye amazwe belamadola akwele Melika wona asetholakalanzima njengoba lamabhanga esesithi kawalawo amadola.
Namhla kuhlelo lwethu Liphuma Lendaba Litshona Lendaba sixoxa lomunye wabosiphatheleni, uNkosazana Agness Phiri yena othi kwesinye isikhathi bayathola sibili inzuzo kodwa kwamanye amalanga komile.
"Osiphatheleni okwakathesi siyabe sifuna amadola, amapula, ama rand kodwa esiyifuna kakhulu ngama US dollars," kutsho uPhiri.
