amalinks wokungena

Breaking News

Osomabhizimusi Bathi Gwaqa Embukisweni we Trade Fair koBulawayo


Inhlanganiso yezokuthuthukiswa kwezenotho eye Zimbabwe National Economic Consultative Forum lezinye ezitshiyeneyo zikhangelelwe ukuthi zibe lomhlangano labosomabhizimusi ngolweSithathu embukisweni wezamabhizimusi owe Zimbabwe International Trade Fair koBulawayo owokukhanga osomabhizimusi bemazweni ukuthi bavule amabhizimusi eZimbabwe.

Umqondisi we Zimbabwe National Chamber of Commerce uMnu. Trust Chikohora obambisana le nhlanganiso le uthi banengi osomabhizimusi bemazweni labe Zimbabwe abazabe besemhlanganweni lo olakho ukulethela ele Zimbabwe ithuba lokuthuthukisa inotho yalo.

Lumhlangano wenziwa sikhathi sinye kulombukiso wezamabhizimusi owe ZITF oqalise ngolweSibili ko Bulawayo.

Usomabhizimusi wako Bulawayo uMnu. Matson Hlalo uthi loba lumhlangano uqakathekile ulakho ukungaletheli lutho ele Zimbabwe ngenxa yohlelo lwe Indigenization olwesatshwa ngosomabhizimusi bemazweni.

UHlalo utshele uGibbs Dube oweStudio 7 ukuthi kusakude phambili ukuthi osomabhizimusi bemazweni baqalise ukuvula amafekitheli eZimbabwe.

XS
SM
MD
LG