amalinks wokungena

Breaking News

Osomabhizimusi beMelika Bethekelela eZimbabwe


Osomabhizimusi beMelika phose abafika itshumi sebefikile eZimbabwe lapho abafuna ukuvula khona amafekithali kulandela umhlangano wokubakhanga owenziwa ngenyanga ephelileyo esigodlweni selizwe leli iWashington DC.

UMnu. Michael Gonzales okhangelane lezombusazwe kanye lezamabhizimusi ku Embassy yeMelika kwele Zimbabwe uthi osomabhizimusi laba bazimisele ukuvula amabhizimusi abo kwele Zimbabwe loba nje amabandla abusayo elokhe elwisana.

UGonzales uthi osomabhizimusi laba sebeyenze imhlangano etshiyeneyo labosomabhizimusi beZimbabwe kanye lenkokheli yamabandla abusayo etshengise ukuthi iyabathakazelela.

Uphinde wathi kuyathembisa ukuthi osomabhizimusi laba bazathola abakufunayo njengoba bezimisele okwamagama ukuthi bavuselele ubudlelwano be Melika le Zimbabwe.

Kusukela ngoZibandlela kusiya kuMpandula lonyaka impahla ethengiselwane phakathi kwe Melika le Zimbabwe iqongile ngokuyisilinganiso phose sokungamatshumi amahlanu ekhulwini nxa kuqathaniswa lesikhathi esifanayo nyakenye.

Ingcwethi kwezenotho uMnu. Rejoice Ngwenya uthe kuyabukeka okwenziwa ngabosomabhizimusi beMelika abalakho ukuphandela uzulu imsebenzi.

XS
SM
MD
LG