amalinks wokungena

Breaking News

Uhlelo Lwe Indigenization Luxotsha Osomabhizimusi Bemazweni Ukusungula Amanye eZimbabwe


Umphathintambo wezokuthuthukisa inotho uMnu. Tapiwa Mashakada uthi amankampani emazweni afuna ukuvula amabhizimusi kwezemigodi eZimbabwe alokhe egodle imali engaba yibillion yamadollar ngenxa yokwesaba uhlelo lweIndigenization.

UMashakada uthi labo somabhizimusi bakwele China elilobudlelwano obuphezulu lebandla le ZANU PF kabasafuni ukuvula amafekithali eZimbabwe ngenxa yohlelo lolu.

Uqhubeke ethi ele China elivule amabhizimusi lenza lezinye inhlelo ezitshiyeneyo ezwekazi le Africa nyakenye ezibiza amabillion angamakhulu amabili amadola lafaka izigidi ezedlula ezingamakhulu amabili zamadollar kuphela eZimbabwe ngalesosikhathi.

Ingcwethi kwezenotho uMnu. Walter Mbongolwane uthi amankampani emazweni kawasoze avule amafekithali kwele Zzimbabwe kuze kuguqulwe iziqondiso zomthetho we indigenization.

Kusenjalo, ummeli wele South Africa eZimbabwe uMnu. Vusi Mavimbela wenze umhlangano lenhloko kahulumende uMnu. Morgan Tsvangirai ngoLwesine lapho atshele uMnu. Tsvangirai ukuthi ilizwe lakhe licunulwa luhlelo lwe indigenization kanye lokuthi abalimi balelo lizwe abathathelwa amapulazi nguhulumende kabasela ndlela yokuziphilisa.

UMnu. Luke Tamborinyoka oyisikhulumeli sika Mnu. Tsvangirai uthi okwenze ukuthi uMnu. Mavimbela azonde okwamagama yikuthi uhulumende weZimbabwe usetshengisa njalo ukuthi ufuna ukuthathela osomabhizimusi bakwele South Africa amafekithali kuhlelo lweIndigenization.

Umnu. Tamborinyoka uthi uMnu. Mavimbela ufuna ukuthi kwenziwe umhlangano lohulumende we Zimbabwe owalobelana le South Africa isinqumo se Bilateral Investment Promotion and Protection Agreement.

XS
SM
MD
LG