amalinks wokungena

Breaking News

Osomabhizimusi beMelika Bethekelela eZimbabwe


Inhlanganiso ekhuthaza ubudlelwano obuhle kwezamabhisimusi phakathi kukahulumende weMelika lamazwe eAfrica, iCorporate Council on Africa, izathumela iqula eZimbabwe ngeviki ezayo ukuyadinga amathuba okuvula amabhizimusi ngokukhulumisana lohulumende lenhlanganiso ezizimeleyo.

Isiphathamandla salinhlanganiso uNkosikazi Patricia Sheikh, ozakhokhela leliqula uthi bazakhulumisana labaphathintambo bakahulumende abagoqela owezemali, owezokulima, owezamankampani kanye lomphathintambo obona ngokwethekelelwa kwelizwe.

Uthi njalo bazabe bedinga amathuba okuvula amabhizimusi eZimbabwe kugatsha kwezokulima, ezamandla kagetsi lezinye.

Iqula leli lizaqala ngokwethekelela eZambia mhlaka 1 beselisiya eHarare mhlaka 3 ngeviki ezayo.

Lithi lizahlangana njelo leziphathamandla zenhlanganiso ezigoqela eyeZimbabwe National Chamber of Commerce, iConfederation of Zimbabwe Industries lezinye.

Inhlanganiso yeCorporate Council on Africa ilamalunga phose angamakhulu amabili angamankampani amakhulu eMelika agoqela iCocoa Cola, iMicrosft lamanye.

Uhambo lolu lulandela olweziphathamandla zikahulumende kaMongameli Barack Obama kumaviki amabili edluleyo.

Ukuhlaziya loludaba sixhume ingcwethi kwezenotho uMnu Masimba Kuchera.

XS
SM
MD
LG