amalinks wokungena

Breaking News

Owesifazana Obulale Abantwabakhe Abane Ngengqamu Uzithwele Njalo Usezabeletha


Pregnancy
Pregnancy

Owesifazana weChivhu obulale abantwabakhe abane ngoLwesithathu ngokubaquma imphimbo ngenqgamu uEmelda Marazana uzithwele njalo usesalelwe zinyanga ezintathu kuphela ukuthi abelethe, kubike inkundla yeZimLive.

Umsolwa, oleminyaka yokuzalwa engamatshumi phose amathathu, 29, ubikwa etshele umsekeli kamphathintambo wezempilakahle uMnu John Mangwiro ukuthi “uzayigcina ingane yakhe ingazalwa njalo ayivikele ngazo zonke indlela.”

UMarazana ubekhuluma esesibhedlela seChivhu General Hospital izolo lapho alaliswe khona ngemva kokunatha itshefu ezama ukuzibulala ngemva kokubulala abantwabakhe.

Ubikwa etshele uMangwiro ukuthi wabulala abantwabakhe ngoba umyeni wakhe uMnu Lameck Brande wayebanakekela ukwedlula yena.

Kodwa uMarazana ubikwa ebuye waguqula njalo inkulumo esithi wababulala ngoba uBrande wayesithi ayisibo bakhe.

Amapholisa atshele intathelizindaba kuthange ukuthi uMarazana wenze isihluku lesi ngemva kokuxabana lomyeni wakhe. Kodwa kasatshongo ukuthi babebangani.

Omdala wabantwana laba ubelemimyaka eyisitshiyagalolunye, elandelwa ngobeleminyaka emihlanu, lomunye obeleminyaka emithathu.

Omncane wabo ubelomnyaka owodwa kuphela.

XS
SM
MD
LG