WASHINGTON —
Uhulumende ugcizelele ngoLwesithathu ukuthi uzaqhubekela phambili ngokudiliza izakhiwo ezakhiwa ngokungekho emthethweni elizweni, engaqedisa ukudingisisa ngalezondawo, lanxa inengi labantu elizweni lisola loluhlelo.
Lokhu kuvezwe nguMnu. Joel Matiza, umsekeli kamphathintambo kahulumende obona ngezabelo ephendula imibuzo edale lephalamende.
UMnu. Matiza wengezelele wathi uhulumende uzaphinda alungisise udaba lokusilela kwezindlu zokuhlala elizweni, ngenjongo yokwenqabela ukudilizelwa kwabantu izindlu kwelakusasa.
Umkhokheli welinye lamacele eMDC uMnu. Morgan Tsvangiria uthe uhlelo lolu lutshengisa ulunya luka hulumende, ngemva kokwethekelela idolobho le Ruwa ngoLwesibili olwedluleyo ehlolisisa ngokudilizwa kwezakhiwo ezibikwa zingakhiwanga ngokusemthethweni okusanda kwenzakala kulelo dolobho.
Kusenjalo, uMnu. Settlement Chikwinya omela iMbizo edale lephalamende, ekucele leMDC elikhokhelwa nguMnu. Morgan Tsvangirai utshele umphathintambo wezemfundo uMnu. Lazarus Dokora kulelidale ukuthi kufanele atshiye umsebenzi ngenxa yokwehluleka kogatsha lwakhe ukwenqabela ukungathembeki ekulotshweni kwemihloliso ezikolo. Uthe kumele alandele isibonelo somunye wakhe eminyakeni edluleyo uMnu. Edmund Garwe owatshiya umsebenzi ngemva kokuba indodakazi yakhe ifunyanwe ilephepha lemihloliso.
Umphathisikolo wesinye isikolo lababalisi eGweru leKwekwe baphakathi kokuthonisiswa emithethwandaba ngemva kokwetheswa icala lokunika ngokungekho emthethweni ezinye izifundi amaphepha omhloliso wezifundo zeGeography le Science.
Ukuze sihlaziye loludaba sixoxe loMnu. Bekithemba Nyathi, omela i Phelandaba-Mpopoma edale lephalamende, njalo ekucele le MDC elikhokhelwa nguMnu. Morgan Tsvangirai.
UNyathi utshele uSithandekile Mhlanga weStudio 7 ukuthi usola kakhulu uhlelo lukahulumende olokudilizela abantu izindlu kodwa usekelana lombono kaMnu. Chikwinya ngezizatho ezitshiyeneyo.
Lokhu kuvezwe nguMnu. Joel Matiza, umsekeli kamphathintambo kahulumende obona ngezabelo ephendula imibuzo edale lephalamende.
UMnu. Matiza wengezelele wathi uhulumende uzaphinda alungisise udaba lokusilela kwezindlu zokuhlala elizweni, ngenjongo yokwenqabela ukudilizelwa kwabantu izindlu kwelakusasa.
Umkhokheli welinye lamacele eMDC uMnu. Morgan Tsvangiria uthe uhlelo lolu lutshengisa ulunya luka hulumende, ngemva kokwethekelela idolobho le Ruwa ngoLwesibili olwedluleyo ehlolisisa ngokudilizwa kwezakhiwo ezibikwa zingakhiwanga ngokusemthethweni okusanda kwenzakala kulelo dolobho.
Kusenjalo, uMnu. Settlement Chikwinya omela iMbizo edale lephalamende, ekucele leMDC elikhokhelwa nguMnu. Morgan Tsvangirai utshele umphathintambo wezemfundo uMnu. Lazarus Dokora kulelidale ukuthi kufanele atshiye umsebenzi ngenxa yokwehluleka kogatsha lwakhe ukwenqabela ukungathembeki ekulotshweni kwemihloliso ezikolo. Uthe kumele alandele isibonelo somunye wakhe eminyakeni edluleyo uMnu. Edmund Garwe owatshiya umsebenzi ngemva kokuba indodakazi yakhe ifunyanwe ilephepha lemihloliso.
Umphathisikolo wesinye isikolo lababalisi eGweru leKwekwe baphakathi kokuthonisiswa emithethwandaba ngemva kokwetheswa icala lokunika ngokungekho emthethweni ezinye izifundi amaphepha omhloliso wezifundo zeGeography le Science.
Ukuze sihlaziye loludaba sixoxe loMnu. Bekithemba Nyathi, omela i Phelandaba-Mpopoma edale lephalamende, njalo ekucele le MDC elikhokhelwa nguMnu. Morgan Tsvangirai.
UNyathi utshele uSithandekile Mhlanga weStudio 7 ukuthi usola kakhulu uhlelo lukahulumende olokudilizela abantu izindlu kodwa usekelana lombono kaMnu. Chikwinya ngezizatho ezitshiyeneyo.
