amalinks wokungena

Phelekezela Mphoko: Wena Mnangagwa Khuluma Iqiniso Ngetshefu Othi Wayifakelwa

  • Chris Gande

UMnu. Emmerson Mnangagwa

Ingxabangxoza esebandleni le Zanu PF isifike kusibanga esikude kulandela okwethulwe nguMnu. Phelekezela Mphoko osaphethe isikhundla sikamongameli othi omunye wakhe, uMnu. Emmerson Mnangagwa, udelele uMongameli Robert Mugabe ngokuthi wafakelwa itshefu ezegule eGwanda kumaviki edluleyo.

UMongameli Mugabe watshela umhlangano weZanu PF Youth Interface Rally eGweru ukuthi udokotela kaMnangagwa wamtshela ukuthi kafakelwanga tshefu esemhlanganweni ofanayo eGwanda.

Kodwa ngoMgqibelo uMnangagwa utshele esikhumbuzweni sikamuyi uNkosikazi Shuvai Mahofa esenzelwe eMasvingo ukuthi yena njengo Mahofa wafakelwa itshefu.

UMphoko uthe amazwi kaMnangagwa atshengisa ukuthi usefuna ukuyangisa uMugabe emphakathini.

Sixoxe lengcwethi ecubungula ezombusazwe, uMnu. Max Mkandla othi uMnangagwa kumele azisukele esikhundleni hatshi ukumelela ukuxotshwa njengokwenziwa uNkosikazi Joice Mujuru.

"Lathi sithi kaphume egceni ngoba wadla laphana umdala wasezama ukwakha njengomuntu omdala esithi kazange adle lutho lama ice cream lawo," kutsho uMkandla.

Facebook Forum

XS
SM
MD
LG