amalinks wokungena

Breaking News

Phezu Kwamakhansila eHarare, iMDC-T Isixotshise Amakhansila eMDC Alliance eBeitbridge loMayor weGwanda


MDC Alliance Rally
MDC Alliance Rally

Phezu kokuxotshisa amakhansila eMDC Alliance alitshumi eHarare izolo, ibandla leMDC-T lixotshise njalo amakhansila eBeitbridge amathathu abalisa okaWard 4 uMnu Morgan Ncube, uGranger Nyoni okaWard 5, uNkosazana Angeline Tore okaWard 6 kanye loMayor weGwanda uMnu Jaston Mazhale.

Iziphathamandla zeMDC-T zithi zithethe inyathelo leli ngemva kokuba amakhansila lawa etshengise ukuthi kawasekeli ibandla lazo.

I-Zimbabwe Electoral Commission (ZEC) yazise ngeviki edluleyo ukuthi zonke izikhala esezivulekile kumakhansili lasephalamende ngezizatho ezigoqela ukuxotshwa kwamalunga eMDC Alliance zizavalwa ngokhetho lwama-by-elections oluzakwenziwa mhlaka 5 kuMpalakazi.

Omunye wamakhansila axotshwe eHarare, uMnu Thamsanqa Hadebe uthi kabalandaba lokuxotshswa kwabo ngoba bazavotelwa njalo kukhetho oluzayo.

please wait

No media source currently available

0:00 0:01:33 0:00

Obengumeya weGwanda yena uMnu Jaston Mazhale uthi ukhethe ukuma lomholi weMDC Alliance uMnu Nelson Chamisa labantu abamkhethayo kulokulandela uNkosazana Thokozani Khupe leMDC-T yakhe, bona athi bayalwa ngabantu kukhetho olwedluleyo.

please wait

No media source currently available

0:00 0:02:34 0:00

Amazwi kaMazhale lakaHadebe agcizelelwe yisikhulumeli seMDC Alliance uMnu Felix Magalela Mafa Sibanda yena othi ukuxotshwa kwamakhansila abo kuveza sobala ukuthi iMDC-T isebenza leZanu PF ngenjongo yokudiliza ibandla lakhe.

please wait

No media source currently available

0:00 0:02:08 0:00

Kodwa isikhulumeli seMDC-T uMnu Khaliphani Phugeni ukulandule lokhu esithi amakhansila la azixotshile ngokwala ukusekela ibandla labo.

please wait

No media source currently available

0:00 0:01:17 0:00

XS
SM
MD
LG