amalinks wokungena

Breaking News

UOscar Pistorious Uqalisa Ukupika Ejele


U Oscar Pistorious egwetshwa emthethwandaba weSouth Africa
U Oscar Pistorious egwetshwa emthethwandaba weSouth Africa

Igqwetha likaPistorious uBarry Roux libikwa lisithi ulakho ukuhlala inyanga ezilitshumi kuphela ejele, abesepika esezihlalele emzini wakhe.

Intshantshu emdlalweni wokugijima uOscar Pistorious ugwetshelwe ukuhlala ejele okweminyaka emihlanu, ngemva kokufunyanwa elecala lokubangela imfa yowayeyintombi yakhe uNkosazana Reeva Steenkamp, aze adubule emnyango wesambuzi esasisetshenziswa ngumuyi ngomnyaka odluleyo.

Esethula isigwebo sakhe ngoLwesibili ntambama, umahluli uNkosikazi Thokozile Masipa uthe uPistorious, yena ogijima ngenyawo ezibaziweyo ngoba ezakhe zaqunywa esesemncinyane, watshengisa ubutshapha aze adubule emnyango wesambuzi engakwazi ukuthi intombi yakhe ingaphi.

UPistorious, ufunyanwe elecala lokubangela imfa kaSteenkamp, ele Culpable Homicide, ngenyanga edluleyo, hatshi ukumbulala enxwanele. Yena uPistorious uthi wayecabanga ukuthi kulesela esambuzini, elalilande ukuzomlimaza, yikho wadubula, engalanjongo yokubulala uSteenkamp.

Igqwetha likaPistorious uBarry Roux libikwa lisithi ulakho ukuhlala inyanga ezilitshumi kuphela ejele, abesepika esezihlalele emzini wakhe. Imuli kamuyi kanye leyaPistorious ibikwa yamukele lesi sigwebo zisithi sifanele.

UPistorious ubikwa evalelwe ejele leKgotshi Mampuru 11 ePretoria, njalo kucatshangelwa ukuthi uzabe ekugatsha lwesibhedlela salindawo, esingcono kulalapho okuhlala khona ezinye izibotshwa.

Ukuhlaziya loludaba, sixoxw lengcwethi ecubungula ezemithetho, uMnu. Job Sibanda, yena otshele uSithandekile Mhlanga weStudio 7 ukuthi isigwebo lesi singabe sifanele ngoba siphakathi kweminyaka evele isibekelwe ngaphansi kwecala le culpable homicde.

Ingxoxo LoMnu. Job Sibanda
please wait

No media source currently available

0:00 0:02:17 0:00
Lapho esitholakala khona

XS
SM
MD
LG