Ikhomithi ebona ngobudlelwano lamanye amazwe kumanyano wamabandla aphikisayo owePOLAD, eye International Re-engagement Committee ihlangane lomphathintambo kahulumende uMnu. Sibusiso Moyo ngoLwesihlanu lapho okucutshungulwe ukuthi bengasebenzelana njani ndawonye ukuguqula ubuhlobo beZimbabwe lamanye amazwe.
Ekhuluma lentathelizindaba ngemva kwalumhlangano, umgcinisihlalo walikhomithi njalo engumkhokheli webandla leMDC uNkosazana Thokozani Khupe ugcizelele ukuthi okuqakathekileyo yikuthi eleZimbabwe liphatheke ku “Family of Nations.”
Uthe kulengxaki ezikuvimbayo lokho, ngakho i-POLAD izasebenzelana loMnu. Moyo kuloludaba.
Isikhulumeli seMDC-T uMnu. Phugeni ugcizelele ukuthi ngempela uNkosazana Khuphe uphatheke kulumhlangano.
UMnu. Moyo laye utshele intathelizindaba ukuthi kuqakathekile ukusebenzelana ndawonye lePOLAD ukuthuthukisa ubudlelwano lamanye amazwe.
Uncome i-POLAD ngokuthi izimisele ukusebenzelana lohulumende lanxa ingumanyano wamabandla aphikisayo alembono ehlukeneyo lokahulumende. Uthe lokhu kutshengisa ukuthi kulokubambana kunjongo yokuthuthukisa ilizwe.
