Abohlangothi olulawula ukusebenza kwamankampani abomakhalekhukhwini lencingo olwe Postal and Telecommunications Regulatory Authority of Zimbabwe - POTRAZ bathi amankampani la, akakhwezanga intengo yokusebenzisa indlela zokukhulumisana kodwa asegqibe inhlelo zawo zokuhuga abazisebenzisayo ngentengo ephansi ezama promotions.
Lokhu kuvezwe ngumqondisi wePOTRAZ umnumzana Gift Machengete edale lephalamende lapo ebuzisiswa yikhomidi ebona ngokwethulwa kwemibiko kusetshenziswa imitshina yakulezinsuku.
UMachengete ukhuthaze amalunga aleli dale ukuba akhankasele ukukhwezwa kweholo lezisebenzi hatshi ukwehliswa kwentengo yokusetshenziswa kwabomakhalekhukhwini lencingo ngoba amankampani a, womathathu engazange engazelelanga intengo.
Inkulumo kaMachengete iza ngemva kokuba abamankampani abomakhalekhukhwini womathathu abalisa eye Econet, NetOne le Telecel bengezelele inhlawulo zokusebenzisa ubulembu eyedata.
Kodwa uzulu osebenzisa indlela zokukhulumisana zebulenjini abagoqela labosomabhizimusi bathi iqonge kakhulu lintengo.
UNkosazana Nomathemba Moyo ngomunye wabosomabhizimusi abakhankasela ukuthengwa kwempahla yabo ebulenjini.
Umnumzana Collins Ncube isakhamizi seHarare uthi lokhu sokuphazamisa umsebenzi wabo.
Enye ingcwethi kwezomnotho ekhokhela kumisebenzi yokucubungula ngawo ngaphansi kwenhlanganiso ye Labour Economic Development Reasearch Institute in Zimbabwe – LEDRIZ u Dr Godfrey Kanyenze uthi lesi simo singalunga kuphela nxa uhulumende engazinikela ukulungisisa umnotho welizwe.
Imizamo yokukhulumisana labenhlanganiso elwela amalungelo abathengi eye Consumer Council of Zimbabwe – CCZ yehlule.
