amalinks wokungena

Umbiko Wokuvalelisa Owethulwe NguObama Uthakazelelwe Nguzulu


America's 44th President Barack Obama

Umongameli Barack Obama wele Melika wethule umbiko wakhe oqakathekileyo wokuvalelisana lozulu eChicago ngoLwesibili lapho aqalisa khona umsebenzi wezombusazwe.

Abanye bathi wethule umbiko obambe inhliziyo zabanengi lapho abalise ngembali yakhe lalokho asekwenzile kusukela ngesikhathi engena esikhundleni sikamongameli weMelika.

Isizalwane seZimbabwe esihlala eMelika, uMnumzana Phithi Ngcobo, uthe inkulumo kaMongameli Obama kade ijulile njalo ibuhlungu ngoba uObama wayengumuntu olothando, ehlonipha abantu laye ehlonitshwa ngabantu abanengi.

UNgcobo uphinde wathi abantu abanengi, abamnyama laba mhlophe njalo labohlobo lwesi Latino laMandiya abajabulanga ngoba uMnu. Trump uzoba ethatha isikhundla sika Mongameli Obama ngeviki ezayo.

Uthe labantu bathukile ngoba bathi yena uTrump ungumuntu othanda ukuthuka abantu.

“Izolo uMongameli Obama ukhulume esithi ungabona lo okhokhelayo engayenzi kuhle, yekela ukukhala. Sukuma lawe uzitshele ukuthi lami sengifuna ukuba yinkokheli.”

UNgcobo uphinde wathi uyavumelana lo Obama othe izizalwane zeMelika akumelanga zibandlulule abantwana abaphuma kwamanye amazwe njengoba iMelika lilizwe labantu bokuza.

XS
SM
MD
LG