amalinks wokungena

Breaking News

Abalandeli Bebandla leZanu PF Batshengisela Emigwaqweni Bekhonona Ngokhetho Lwama Primaries


Amanye amalunga ebandla leZanu PF atshengisele esigodlweni salelibandla eHarare ngoLwesithathu esola ukuqhutshwa kokhetho lwama primaries esithi aluphathwanga kahle njalo kumele lwenziwe kakutsha.

Amalunga la avele endaweni ezehlukeneyo abuthane esigodlweni sawo eHarare ethwele amabhakani abebhalwe okutshiyeneyo etshengisela ukungajabuli kwawo ngendlela ukhetho lwama primaries oluqhutshwe ngayo ikakhulu endaweni ezinjenge eHatfield, Goromonzi North, Goromonzi South, Mbare, Harare South esithi kumele lwenziwe kakutsha.

Omunye wabakade betshengisela njalo eyisakhamuzi seHatfield, uNoble Moyo, uthe uMnu. Danny Masukume kazange anqobe kukhetho lwabo olwenziwa ngoMvulo obefunwa ngabantu nguDaniel Makanga.

Omunye obetshengisela uMnu. John Dube uthe amalunga amanengi endaweni ezehlukeneyo kawazange avunyelwe ukukhetha kulolukhetho.

Omunye njalo oyisakhamuzi seGoromonzi, ocele ukuthi sithi nguMabel, uthi kwenzakale izimanga ngesikhathi kukhethwa uNkosazana Petronella Kagonye onqotshwe mgceke.

Esinye njalo isakhamuzi seGoromonzi obengomunye wabatshengiselayo, uGenius Garande, uthe uPetronella Kagonye waqilibezela ukunqoba uMnu. Ozwell Gwanzura ngemva kokuba imiganu eyayisetshenziswa ukubalela impumela yokhetho ingeniswe endlini yokubalela yaphuma isisithi uKagonye nguye onqobileyo.

Abanye njalo abanqotshwayo kulolukhetho nguMnu. Christopher Mutsvangwa, ongumkhokheli wabalwela impi yenkululeko njalo engumcebisi omkhulu kamongameli Emmerson Mnangagwa. UMutsvangwa utshele iStudio 7 ecingweni ukuthi kajabuli ngendlela ukhetho olwaphathwa ngayo eNorton lapho ayekhankasa ekhona. Ubuye njalo wathi usabuthanisa ubufakazi bokuthi ukhetho kaluphathwa kuhle njalo lobuqilli obabakhona.

Udaba Esilethulelwe NguGibson Bhebhe
please wait

No media source currently available

0:00 0:03:18 0:00

Ukuze sicubungule udaba lwama primary elections ebandla leZANU PF sixoxe loMnu. Ambrose Sibindi, isiphathamandla senhlanganiso ye Bulawayo Progressive Residents Association, kanye leyeZimbabwe Congress of Trade Unions endawonye lesiphathamandla sebandla leZANU PF uMnu. Believe Gaule onqotshiweyo kukhetho lwama primaries alelibandla eTsholotsho.

USithandekile Mhlanga uqale ngokubuza uMnu. Gaule ukuthi uyamukela na ukuthi unqotshiwe.

please wait

No media source currently available

0:00 0:07:28 0:00

Facebook Forum

XS
SM
MD
LG