Kubotshwa Isiphathamandla SePTUZ Phezu Kodaba Lokulahleka Kwamaphepha Emihloliso

WASHINGTON —  Isiphathamandla se nhlanganiso elwela ilungelo ababalisi eye Progressive Teachers’ Union of Zimbabwe, iPTUZ, uMnu. Enock Paradzai ubotshiwe esesitokisini seWest Commonage koBulawayo lapho abevakatshele umphathisikolo obesitokisini esifanayo.

UParadzai umiswe phambi komthethwandaba kamantshi ngoLwesihlanu esetheswa icala lokuphazamisa ukuthula.

Ukhululwe ngemva kokuhlawula imali yesibambiso se bail eyamadola angamatshumi amahlanu-$50 dollars njalo ukhangelelwe ukumiswa phambi komthethwandaba ofanayo ngenyanga ezayo.

UMnu. Paradzai utshele uSithandekile Mhlanga weStudio 7 ukuthi amapholisa ambophe ecebisa umphathisikolo uMnu. Panganayi Zimunhu olilunga lePTUZ, obotshwe ngemva kokulahlekelwa ngamaphepha emihloliso yemfundo ye “O” level.