amalinks wokungena

Breaking News

Mpofu: Amalungiselelo Okuvuselela ULoliwe Asesemaphethelweni


Umnumzana Obert Mpofu

Uhulumende uhlangane lebhanga le Development Bank of South Africa ngoMvulo, ukuxoxisana ngamalungiselelo okuvuselela inkampani kaLoliwe eyeNRZ

Umphathintambo wogatsha lukahulumende olubona ngemota zokuhambisa uMnu. Obert Mpofu uthi uhlangene labebhanga le Development Bank of South Africa (DBSA) ngoLwesithathu, ukuxoxisana ngamalungiselelo okuvuselela inkampani kaLoliwe eyeNational Railways of Zimbabwe, yona elokhu isehluleka ukubhadala izisebenzi umholo wazo owenyanga ezilitshumi lanye.

Izisebenzi lezi zisanda ukukhalala umsebenzi zikhalaza iholo leli, kodwa uhulumende uthi ukuqeda loluhlupho, kufanele kubelenkampani ezancedisa ukuthi uLoliwe azikhandele eyakhe imali eyeneleyo, njengeye DBSA.

Kodwa unobhala jikelele wenhlanganiso ebona ngamalungelo ezisebenzi zikaLoliwe iZimbabwe Amalgamated Railway Workers Union uMnu. Kenneth Nhemachena utshele iStudio 7 ukuthi kufanele uhulumende aqale ngokuncedisa inkampani le ukuthi ibhadale iholo lezisebenzi andubana eqalise imizamo yokuyivuselela.

UMnu. Mpofu utshele uSithandekile Mhlanga weStudio 7 ukuthi ugatsha lwakhe luzalungisa amanye amankampani angaphansi kwalo anjengeyendizamtshina ye Air Zimbabwe. Kodwa uthi okwakhathesi kusavuselelwe uLoliwe ukwenzela ukuthi enelise ukuqhatsha izisebenzi ezedlula inkulungwane ezingamatshumi amabili, ivuselele umnotho koBulawayo.

please wait

No media source currently available

0:00 0:02:20 0:00
Lapho esitholakala khona

XS
SM
MD
LG