UMongameli Cyril Ramaphosa weleSouth Africa uthi abavela kwamanye amazwe sebezavunyelwa ukungena kulelo lizwe ngoba sokwekethiswe imigoqo yokwenqabela igciwane leCoronavirus.
Kumazwi awethule izolo ebusuku, uRamaphosa uthe uzulu welizwe lakhe uzazila okwamalanga amahlanu ngokugqiza amalembu amnyama phezu kokubhubha kwabantu abafika phose inkulungwane ezingamatshumi amabili, 19 951.
Uphinde wathi ukuthengiswa kotshwala sekuzavunyelwa lalapho indawo zokudlela sezivaliwe.
URamaphosa wazise ukuba kulenkampani elungisa ijekiseni yokuzivikela kuCoronavirus ezabambisana lengcwethi zakweleSouth Africa ekulungiseni ijekiseni le kulelo lizwe.
Ukhuthaze uzulu ukuthi aqhubeke ezivikela ngokugqoka ama-mask lokulandela zonke iziqondiso zabezempilakahle.
Umkhokheli wenhlanganiso yezizalwane zeZimbabwe ezihlala kweleSouth Africa, eyeZimImbokodo, uNkosazana Victress Mathuthu uthi lanxa abanye belokhu bezivikela, bakhona abanye asebewutshaya indiva umkhuhlane weCovid-19.
Facebook Forum