amalinks wokungena

RBZ: Sebenzisani AmaRand Akwele South Africa

  • Chris Gande

AmaRand akwele South Africa

Ibhanga lesizwe ele Rerserve Babk of Zimbabwe selikhuthaze uzulu ukuthi asebenzise imali yohlobo lwama Rand akwele South Africa ukwenqabela ukusilela kwemali emabhanga.

Umsekeli kasibalukhulu walelibhanga, uMnu. Khuphukile Mlambo, utshele intathelizindaba eSouth Africa ukuthi ukusebenzisa iRand kuzanceda njengoba ele South Africa kulilizwe elilobudlelwano bokuthengiselana lele Zimbabwe ukwedlula amazwe wonke.

Uhulumende wethula imali yoholobo lwama bond notes ngemva kokuba amabhanga engaselamadola eMelika.

Kodwa udubo lolu lulokhe luqhubekela phambili ngoba uhulumende wadinda ama bond notes angamakhulu azinkulungwane ezimbili - i$200 million - lona ilizwe lifuna ukusebenzisa imali elibhiliyoni elilodwa.

Okunye osekuphazamisa loludaba yisisindo semali le eyohlobo lwama bond notes okwakuthiwa izalingana lesisindo sedola leMelika kodwa kukhanya engani sesiphansi kakhulu kule dola.

UMlambo uthi osekusele yikuthi abathengisela ele South Africa impahla sokumele baqathanise intengo yabo nge Randa hatshi idola leMelika.

Ukuhlaziya loludaba sixoxe lengcwethi ecubungula ezomnotho, uMnu. Bulisani Ncube.

UNcube uthi, "Engikutshoyo yikuthi abanye bethu kusukela ngomnyaka ka 2009, ikakhulu ngemva kokuba umnotho usuthuthuke kancane sasikufaka kucace ukuthi ukuze senelise ukuya phambili njengelizwe yikuthi kusetshenziswe iRand," kutsho uNcube.

Facebook Forum

XS
SM
MD
LG