Ibhanga elikhulu elizweni eleReserve Bank of Zimbabwe lithi selibeke eceleni amadola ayizigidi ezilikhulu lamatshumi amabili zamadola eMelika -120 US Dollars eyokuthenga amafutha ephethulo ledizili kuyonale inyanga.
Embikweni ewethule ngoLwesithathu, i-RBZ ithe izaveza viki-zonke indlela amafutha la athengiselwe ngayo amankampani elizweni kanye lokuthi athengiswa malini ngedola leZimbabwe, ukwenzela ukwenqabela ukuthi aye emkambo wensitha.
Kumalanga ambalwa edluleyo, ugatsha lukahulumende olubona ngezamandla omlilo olwe Zimbabwe Energy Regulatory Authority (ZERA) luthe amankampani amakhulu awamafutha asengazikhethela indawo zokuwathengisa ngemali yakwamanye amazwe, ngemva kokuzithengela lawomafutha phandle kwelizwe.
Ukucubungula loludaba, sixoxa loMnu. Edwin Ndlovu, usomabhizimusi kwezemota zokuthwala abantu, njalo eyisiphathamandla sebandla leMDC.
