amalinks wokungena

Amalunga eZanu PF Avimba Ukuthi Kungenziwa Ingxoxo Mpikiswano Yokukhumisana Umlotha


Abacatshangelwa ukuthi ngabalandeli bebandla leZanu PF bethusela abantu kungxoxo mpikiswano yokukhumisana umlotha.

Kuqhamuke inkalakatha yomsindo emhlanganweni oqoqwe ngabenhlanganiso ye Southern African Political and Economic Series (SAPES) Trust eHarare ngoLwesine ntambama lapho abasekeli bebandla le ZANU PF abakade bevimba ukuthi kungaxoxwa ngodaba lokukhumisana umlotha.

Abalwela amalungelo kazulu abafuna ukuthi kulungiswe udaba lombhuqazwe weGukuruhundi bathi lumsindo uveza ukuthi ikhomishini yokuxolelana eye Zimbabwe National Peace and Reconciliation Commission kumele iqale umsebenzi.

Kusuke kwaba lomsindo abanye abasakhulayo abanakanelwa ukuthi ngabebandla leZanu PF abale ukuthi omunye walabo okade kumele akhokhele lingxoxo, usikhwicamfundo Martin Rupiya, akhulume besithi wayelilunga lebutho lika muyi uIan Dougals Smith yikho kalalungelo lokukhulumela abantu ayebabulala.

Bethusela abakungxoxo mpikiswaso yokukhumisana umlotha ...
Bethusela abakungxoxo mpikiswaso yokukhumisana umlotha ...

Umkhokheli webandla leZapu, uMnu Dumiso Dabengwa, uthi lokhu kuveza sobala ukuqakatheka kokuthi iKhomishini eye Peace and Reconciliation ikhokhelwe ngumuntu ongela bandlululo ozaqhuba umsebenzi wakhe kungela kubizwa amagama ngabanye abalenjongo zokuvimba inkulumo yokukhumisana umlotha lokucela uxolo edabeni lweGukurahundi.

Oloba amabhuku ezemfundo odume kwezombusazwe eyisizalwane saseSouth Africa, uNkosikazi Elinor Sisulu, uthe ukuze iZimbabwe yenelise ukudlula isikhathi lesi esinzima, kumele uhulumende ahloniphe inhlanganiso ezilwela amalungelo abantu lentathelizindaba.

Ingcitshi ecubungula ezombusazwe, uMnu. Richard Mahomva, uthi abantu kumele bafunde ukwamukela imibono ehlukene kuleyabo ukuze eleZimbabwe lithuthuke.

Abahlonitshwa abakungxoxo mpikiswano yeGikurahundi.
Abahlonitshwa abakungxoxo mpikiswano yeGikurahundi.

Unobhala jikelele weZapu, uMnu. Mjobisa Noko, usole abasakhulayo abazame ukuphambanisa umhlangano wokuxoxisana ngeGukurahundi.

Umhlangano lo, oqoqwe ngabe SAPES Trust ubulenjongo yokuhluza udaba lombhuqazwe oweGukurahundi lapho okubulawa khona abantu abedlula inkulugnwane ezingamatshumi amabili ezigabeni zeMaNdebeleni kanye lenkabazwe ngeminyaka yabo 1980 ilizwe lisanda kuthola uzibuse.

Owayengumongameli Robert Mugabe uze wasuka embusweni engazange axolise isikhathi asithi ngamazwi akhe saba ‘yisikhathi sokuhlanya’ okwatshiya abantu bebuzana ukuthi yikuhlanya kukabani.

Ligxoxo yenziwe njalo koBulawayo ngenjongo yokuthi kukhulunyiswane lohulumende omutsha kaMongameli Mnangagwa njengoba eselobe igama lakhe emthetweni wokukhuthaza ukukhumisana umlotha oweNational Peace and Reconciliation Act.

Facebook Forum

XS
SM
MD
LG