Ingcwethi ezicubungula okuphathelane lokuguquka komkhathi I climate change zithi njengamazwe wonke asakhulayo, eleZimbabwe lilokhu lingenelisi ukuthuthukisa ngemfanelo inhlelo ezimqoka ezokuvikela umkhathi, ezigoqela ukulahla ingcekeza ye sewage ngendlela efaneleyo kanye lokusebenzisa kutsha impahla ezenziwe ngamaphepha.
Emhlanganweni obuphathelane lezokuguquka komkhathi owe Climate Change Summit obuqoqwe ngumanyano we United Nations ngeviki edluleyo eNew York khonapha eMelika, amazwe omhlaba, agoqela eleZimbabwe athembise ukuzinikela ukuthuthukisa inhlelo zokulondoloza eziphathelane lomkhathi.
Kodwa uMnu. Albert Mhlanga, omela iLuveve edale lephalamende njalo eqhuba izifundo ze PHD ku Logistic and Chain Supply ekolitshini le Zambia, utshele uSithandekile Mhlanga weStudio 7 ukuthi ukucubungula akwenzayo kutshengisa ukuthi amafekithali kweleZimbabwe alokhu esengezelela intuthu engalungelanga umkhathi lanxa kulemithetho evimbela lokhu.
