amalinks wokungena

Breaking News

Biti: Akubunjwe Ikhansili Yokubusa EleZimbabwe Kusalungiswa Umnotho


Tendai Biti

Ekhuluma lentathelizindaba uBiti uthe kufanele kubunjwe inhlanganiso ye National Transitional and Technical Council okuyiyo ezabe ibusa

Owayengunobhala jikelele weMDC-T uMnu. Tendai Biti oseku Renewal Team yalelibandla uthi kufanele eleZimbabwe libuswe nguhulumende wesikhatshana lisaxoxisana lamazwe akumanyano we SADC le African Union, ngendlela yokuvuselela umnotho welizwe ukuze kuqedwe ukuhlupheka osokubhahile elizweni.

Ekhuluma lentathelizindaba ngoLwesine eHarare, uMnu. Biti uthe kufanele kubunjwe inhlanganiso ye National Transitional and Technical Council okuyiyo ezabe ibusa i-AU leSADC isaxoxisana lamabandla ezombusazwe, inhlanganiso ezizimeleyo, labanye.
UMnu. Biti wengezelele wathi ibandla lakhe leRenewal Team alisoze lingene kukhetho oluzayo ngomnyaka ka 2018 nxa iqhinga lebandla lakhe lingenziwanga ngoba kuyabe kusobala ukuthi kuzanqoba ibandla leZANU PF, lona athi liphatheke ngokuzengezelela amandla kuphela hatshi izifiso zabantu.

UMnu. Reggie Moyo, omela iLuveve edale lephalamende, njalo ekuRenewal Team, ugcizelela amazwi kaMnu. Biti.
please wait

No media source currently available

0:00 0:02:33 0:00
Lapho esitholakala khona


Ephendula ngaloludaba, isikhulumi sebandla leZANU PF uMnu. Rugare Gumbo utshele iStudio 7 ukuthi ibandla lika Biti kufanele limelele ukhetho luka2018 lingagijimele ukuthi umanyano we AU loweSADC uze elizweni ngoba akulasehlakalo esenzakeleyo elizweni esidinga lokhu. Wengezelele wathi ibandla leZANU PF lizathuthukisa umnotho welizwe ngohlelo lweZIMASSET.
XS
SM
MD
LG