amalinks wokungena

Breaking News

Renewal Team: Singamnika Uhulumende Amacebo Okuthuthukisa Umnotho Welizwe


Sam Sipepa Nkomo

Ekhuluma lentathelizindaba isiphathamandla salelicele uMnu. Sam Siphepha Nkomo uthi ibandla lakhe lizimisele ukucebisa uhulumende ngendlela zokuthuthukisa umnotho welizwe.

Icele leMDC-T elingasekeli ubukhokheli bukaMnu. Morgan Tsvangirai, elizibiza ngokuthi yi Renewal Team lithi liyakhathazeka ngokubhidlika komnotho welizwe njalo kufanele uhulumende, we ZANU PF avume ukuthi useyehlulekile ukuwuvuselela.

Ekhuluma lentathelizindaba eHarare ngoLwesithathu, isiphathamandla salelicele uMnu. Sam Siphepha Nkomo uthi ibandla lakhe lizimisele ukucebisa uhulumende ngendlela zokuthuthukisa umnotho welizwe linganxuswa ndawonye lamanye amabandla lenhlanganiso abangaphathisa kuloludaba.

UNkomo uphinde watshayela ihlombe ibandla le African National Congress eleSouth Africa ngokunqoba kukhetho oluqhutshwe ngeviki edluleyo. Esithi eleZimbabwe kufanele lilandele isibonelo esihle sokuqhuba ukhetho olukhululekileyo.

Uphinde wachasissela uSithandekile Mhlanga weStudio 7 ukuthi i-Renewal Team iyakhathazeka ngokwenziwe liqembu labahlamuki abe Boko Haram kwele Nigeria, abathumbe abantwana besikolo abangamantombazana abedlula amakhulu amabili, njalo ifuna ukuthi behlengwe laba abantwana.
please wait

No media source currently available

0:00 0:02:47 0:00
Lapho esitholakala khona

Kusenjalo umkhokheli we MDC-T uMnu. Morgan Tsvangirai ngoLwesithathu uhlangene lababencintisa kukhetho lokudinga amalunga edale lephalamende ebandleni lakhe, abanqobayo labanqotshwayo, bexoxa ngokwenzakala ebandleni njalo benikana amacebo okuthuthukisa ibandla labo.
XS
SM
MD
LG