amalinks wokungena

Breaking News

Abe Rooftops Promotions Bathola Indawo Yokwakhela i-Theatre in The Park


Rooftop Promotions

Abenhlanganiso esebenzelana labaphatheke emidlalweni yedrama eye Rooftops Promotions batholiswe isithanda esitsha sokwakhela indawo yokulibazisa uzulu eye Theatre in The Park, ngumanisipala ngenhloso yokuthuthukisa uhlangothi lwezemidlalo yedrama.

Lindawo ekhangelelwe ukwakhiwa ngendleko engaba zinkulungwane ezingamakhulu amabili zamadola – US$200,000-00, ibikwa izaba ngeyohlobo lwaphezulu elakho ukuba lababukeli abangamakhulu amahlanu – 500 seater.

Emazwini akhe wokunikeza okusemthethweni kanye lokuphawulwa kwe ndawo lapho kuzabekwa khona lesi sakhiwo se Theatre in the Park – ground breaking ceremony,owenzelwe Harare Gardens lamuhla,obengumhlonitshwa kiwo u Mayor weHarare uCouncillor Benard Manyenyeni uthi ukuvuselelwa kwe “ Theatre In The Park “ kuzaphathisa labo kumizamo yabo yokuthuthukisa idolobha leHarare ngaphansi kohlelo lwabo lwe Brand Harare.

Umqondisi wenhlanganiso yezokuqhutshwa kwemisebenzi yemidlalo yedrama eye Rooftops Promotion, umnumzana Ray Mawerera, utshele abekade bekulomkhosi ukuba lindawo izakwakhiwa kulandelwa indlela yesintu yenkundleni lapho kuhlaziywa lokulungisiswa khona indaba ezimqoka.

Izakwakhiwa njalo ngendlela elohlonzi ekhangelelwe ukwenzelwa imidlalo eyedlula amatshumi amathathu ngomnyaka, u Mawerera athi kuzaphathisa ukuthuthukisa labo abalobungcitshi kwezemidlalo yedrama ilizwe lonke.

Kuthi umqondisi we National Arts Council umnumzana Elvas Mari obekulomkhosi laye, ukhuthaza inkokheli zikamanisipala weHarare ukuba ivuselele indawo zokuzilibazisa ezakhiwa emalokitshini ezama Community Centres lamaHall, zilandele isibonelo sikamanisipala wakoBulawayo athi uhlezi ekwenza lokho, lunabele kuzo zonke indawo lapho kuhlala khona uzulu loluhlelo lwe Theatre In The Park, lungapheleli e Harare Gardens kuphela.

Okungumbono esekelwa ngumnumzana Lennox Mhlanga, oyintathelizindaba ezimeleyo njalo engumcebisi kwezokuthapha izindaba, laye obekulomkhosi walamuhla obusenziwa ngaphansi kwesihloko esithi “ Its not just ART...its a way of life.“

UMhlanga utshengise ukulijabulela leli nyathelo elithethwe ngumanisipala ukutholisa abe Rooftops Promotions indawo yokwakha lapho okuqhutshelwa khona imidlalo ye “ Theatre in The Park “. Uthi ulethemba lokuba kayiyi kuphinda ivele njalo leyo nkinga eke yaba khona ngaphambilini, ebangele ukuvalwa kwendawo yakuqala ngoba sekungeniswa ezombusazwe ngendlela engayisiyo.

Abe Rooftops Promotion bathi balethemba lokuba iyabe isiphelile ukwakhiwa lindawo kusiyaphela umnyaka ngenhloso yokuziqeda inkinga abaphatheke kumisebenzi yezemidlalo yedrama babhekana lazo.

Bathi balethemba njalo ukuba luzakuphathisa ukuvuselela idolobha le Harare loluhlelo,ihambelane imisebenzi yabo lenhlelo zikamanisipala weHarare wokuba kube lidolobha elilohlonzi kusiyafika umnyaka ka 2025

XS
SM
MD
LG