Umfelokazi uRossy Nyathi uthi uthwele nzima emigwaqweni lapho athathelwa impahla ayithengisayo ngamapholisa elizwe lawe khansili yako Bulawayo.
Uthi ulimele ngeviki ephelileyo ezama ukubalekela amapholisa abefuna ukumthathela impahla ayicela ebantwini ayithengise azuze imadlana yokuziphilisa.
Uthi kwesinye isikhathi abamthathela impahla bayamlanda bebodwa becela amatamatisi, amagwili, amaqanda lokunye.
Banengi abanye ababhekane lenhlupho ezitshiyeneyo emigwaqweni abathi kuyabasinda ukuhlawula amapholisa izivalamlomo sonke isikhathi ngoba kunzima ukuphanda imali.
Abanye abathenga bethengisa impahla bathi bathola $7 ngelanga.
Abantu abanengi kwele Zimbabwe kabasebenzi ngenxa yesimo esibi somnotho.