amalinks wokungena

Breaking News

Sebefika 132 Abantu Abalomkhuhlane weCoronavirus eZimbabwe


FILE: Kukholwa owesifazana ocatshangelwa ukuthi ulegciwane leCoronavirus COVID-19.
FILE: Kukholwa owesifazana ocatshangelwa ukuthi ulegciwane leCoronavirus COVID-19.

Umabhalane omkhulu kugatsha lokwethulwa kwemibiko, uMnu. Nick Mangwana, uthi sokulabantu abedlula ikhulu lamatshumi amathathu - 132 asebelomkhuhlane weCoronavirus COVID-19 eZimbabwe.

UMangwana wethule umbiko lo ngoLwesithathu ebulenjini bokuxhumana obeTwitter lapho abike ukuthi kulabantu abafika phose amatshumi ayisitshiyangalobili - 76 abatholakale belomkhuhlane lo kulandela ukuhlolwa kwabo ngabezempilakahle.

Inani leli likhuphulwe ngabahlolwe eBeitbridge, Masvingo leHarare. Abantu laba inengi labo ngabadabuka eZimbabwe abakhethe ukuphindela ekhaya besuka eBotswana lakwele South Africa. Oyedwa uhlala eHarare.

Kusenjalo, isibhedlela seJohn Hopkins University sibika ukuthi liyakhuphuna inani labantu abalomkhuhlane lo emhlabeni wonke jikelele. Isibhedlela lesi sithi abantu asebehlolwe batholakala belomkhuhlane weCOVID-19 bedlula izigidi ezinhlanu lengxenye - 5,618,829. Phakathi kwabantu laba, sokubhubhe abedlula inkulungwane ezingamakhulu amathathu lamatshumi amahlanu - 351,146. Asebesinde kumkhuhlane sebeyizigidi ezedlula ezimbili - 2,456,447.

Liyamemetheka njalo igciwane leli kwele Melika osokulabantu abedlula isigidi lengxenye - 1,681,418 asebegule umkhuhlane lo. Abafika phose inkulungwane ezilikhulu - 98,929 sebabhubha.

Kuzwekazi leAfrica, asebefunyenwe belegcikwane leli sebezinkulungwane ezedlula ezilikhulu -119,391. Sokubhubhe abedlula inkulungwane ezintathu lengxenye - 3,589 kwasinda inkulungwane ezingamatshumi phose amahlanu - 48,618.

‚Äč
XS
SM
MD
LG