amalinks wokungena

Sebezabotshwa Abangafuni Ukwemukela Imali Yama Bond Notes

  • Chris Gande

Imali yoholobo lwama bond notes.

Ikhomidi yedale lephalamende ebona ngezemali iphakathi kokuloba umthetho ozakwenza kubelicala ukwala ukwemukela imali yohlobo lwama bond notes.

Ikhomidi le ithi ifuna njalo abazatholakala besehlisa isisindo semali le bejeziswe kabuhlungu. Ama nond notes awethulwa ekupheleni nyakenye alesisindo esilingana lesedola leMelika.

Lanxa uMongameli Robert Mugabe wethula umthetho phansi kwamandla akhe aphiwa yisisekelo sombuso welizwe, awe Special Presidential Powers, sikhuluma nje akusilocala ukwala ukwemukela imali le.

Nxa umthetho lo ungethulwa uzahle ubambe njalo lemali yamatshe eyohlobo lwama bond coins.

Ukuhlaziya loludaba sixoxe lengcwethi ecubungula ezemithetho, uMnu. Kucaca Phulu, ongumsekeli njalo kamongameli webandla lePeople’s Democratic Party.

"Okwenzakalayo akungimangalisi ngoba ingakasungulwa limali le uzulu watshengisela esithi kayifuni limali. Mina nginje angikahlangani lomuntu othi kawafuni ama bond notes kodwa ngiyazi ukuthi bakhona," kutsho uPhulu.

XS
SM
MD
LG