amalinks wokungena

Breaking News

Sekufakwe Ilitshe leTombstone Ethuneni Lika Rambo


Umqeqetshi wenguqu uCosmas Zulu

Umqeqetshi womdlalo wenguqu uCosmas Zulu uthi yikwenza kuka Somandla okudale ukuba akhokhele uhlelo lokufaka ilitshe eleTombstone ethuneni lika muyi uMercedes Sibanda, owaduma eminyakeni edlule edlalela iqembu eleHighlanders.

UCosmas udlale indima enkulu ekufakweni kwelitshe engcwabeni lomdlali owayelodumo kwele Zimbabwe edlalela iqembu le Highlanders kanye leqembu lesizwe elama Warriors uMercedes Sibanda obesaziwa kakhulu ngegama elithi Rambo.

Ekhuluma ngesikhathi kuqhutshwa umkhosi wokwethulwa okusemthethweni kwalelo litshe uZulu uthe ukubone njengokuthi ukhethwe ngumdali ukuba adlale leyondima.

“Kwabuya umuntu wangipopotela esithi ‘wena Cosmas yindaba uyekela ukufaka ilitshe engcwabeni lika Mercedes? Ngahamba emangcwabeni ngabona okuyisikhonkwane okwakubhalwe Rambo ngabuza ngathi nguye uRambo owayedlalela iHighlanders bathi yebo.’ Emehlweni akhe ngakubona ukuthi lolu lubizo ngoba lumuntu wayesazi lapho okulamahofisi eHighlanders, ebazi njalo abantu be Highlanders kodwa yindaba engahambanga khona kodwa wabuya kimi?” kutsho uZulu.

Umkhosi wokwethulwa okusemthethweni kwelitshe ethuneni lika Rambo uqhutshwe ngeSonto njalo bekukhona osaziwayo ababalisa umphathintambo omele idolobho lakoBulawayo ephalamende uJudith Ncube, usodolobho wako Bulawayo uSolomon Mguni kanye lowayelilunga lephalamende emele iMakokoba uTshinga Dube.

Bekukhona njalo abaqeqetshi kanye labadlali abasebenze lomuyi ababalisa uDouglas British Mloyi.

“Hayi umfana wethu ngumfana esasidlala laye kuhle. Ngumuntu owayekhaliphile engathandi ukunqotshwa efuna sihlale sinqobile ngoba kwesinye isikhathi besithi singanqotshwa yena acine esekhala.

Inkosi yasuka yasimthatha kodwa hayi akula esingakwenza yintando kaNkulunkulu akusiyo ntando yomuntu. Lapha nje besizomkhumbula kuphela,” kutsho uMloyi.

UMercedes Rambo Sibanda wedlule emhlabeni ngomnyaka ka 2002 eseleminyaka eyokuzalwa engamatshumi amathathu lesithupha. Wabekwa emathuneni eWest Park.

Udaba lokufakwa kwelitshe ethuneni likaRambo siluphiwa nguJoseph Njanji
please wait

No media source currently available

0:00 0:01:45 0:00

Facebook Forum

XS
SM
MD
LG