amalinks wokungena

Breaking News

Sokuzethulwa Umthetho Wokuveza Inotho Yabaphathintambo


Indlu kaMphathintambo wezemadolobheni lezabelo uMnu. Saviour Kasukuwere
Indlu kaMphathintambo wezemadolobheni lezabelo uMnu. Saviour Kasukuwere

Ikhomidi yedale lephalamende ebona ngokwethulwa kwemithetho yamalunga, eye Standing Rules and Orders Committee, isivumelane ukuthi amalunga edale labaphathintambo bakahulumende sokuzamele baveze inotho abalayo.

Lanxa lokhu kukhona phansi kwesisekelo sombuso welizwe bekungakaze kwemukelwe.

Phansi komthetho lo kuzakuba loluhlu lapho okuzafakwa emphakathini ukuthi amalunga alenotho enganani ukuze uzulu abekwazi. Lokhu kwenzelwa ukunqabela ukungethembeki kokuhuquluza inotho.

Lumthetho uzamele uqale uhanjiswe edale lephalamende uhlaziywe andubana kube ngumthetho.

Kodwa amalunga edale lephalamende ayathandabuza ukuthi kuyini okumele bakuvezele njengoba bengenelisi ukusebenzisa izikhundla zabo ukubuthelela inotho.

Omunye wamalunga le nguMnu. Prince Dubeko Sibanda, owebandla leMDC-T, esixoxe laye ngaloludaba.

"Angila budget engiyikhangeleyo mina, akula ukungethembeki engingakwenza njengelunga ledale lephalamende," kutsho uSibanda.

please wait

No media source currently available

0:00 0:03:41 0:00
Lapho esitholakala khona

XS
SM
MD
LG