amalinks wokungena

Breaking News

Selidumela Emansumpeni Ukuthi Kuguqulwe Umthetho Wezemigodi eZimbabwe


Uhulumende useguqula ezinye iziqa zomthetho we Mines and Minerals Act okuzakwenza ukuthi abakumabhizimusi yemigodi bancedise ukuthuthukisa inhlalakahle yezakhamizi zendaweni abasebenzela khona.

Linguquko idinga njalo ukupha induna amandla okuqondisa inhlelo zokuthuthukisa inhlala kahle kazulu endaweni ezilemigodi.

Umnu. Victor Gapare umqondisi we Chamber of Mines uthi inhlanganiso yakhe isekelana leziqa zomthetho lezi njengoba amankampani alemigodi aqalisa kudala ukuncedisa uzulu ukwakha izikolo kanye lezibhedlela.

Umnu. Gapare uthi linguquko ayisoze ifane laleyo enziwa kweminye imithetho efana lenziwa emthethweni we indigenization.

Kodwa-ke abasolayo bathi kuzaba nzima ukusebenzisa imithetho yonke le engaqedakaliyo elakho ukuxotsha amankampani afuna ukuphathisa ukuthuthukisa inotho ye Zimbabwe.

Umnu. Nkululeko Sibanda ingcwethi ecubungula ezombusazwe utshele uGibbs Dube we Studio 7 ukuthi kuyethusa ukuthi induna sezizasetshenziswa ukukhangelana lokuthuthukisa inhlalakahle kazulu endaweni ezilemigodi.

XS
SM
MD
LG