amalinks wokungena

Breaking News

Selihlabe Ikhefu Iqembu leZimbabwe Warriors


U-Zdravko Logarusic umqeqetshi weqembu elimela isizwe emdlalweni wenguqu, elamaWarriors

Iqembu elimela ele Zimbabwe emdlalweni wenguqu lamawarriors, elilungiselela ukuyaphatheka kumncintiswano we African Nations Championship ekuqaleni komnyaka ozayo selilahle phansi amajogwe.

Umqeqetshi uZdravko Logarusic uphe abadlali ithuba lokuyadlala ikhefu lekhisimusi lemuli kodwa uthi bazaphanga bephenduke njalo enkambeni ngoba umkhulu umsebenzi ababhekane lawo.

“Mina ngokwami ngibize abadlali abangamatshumi amane kodwa udubo esilalo ngolokuba laba ngabadlali ababuye bengazange badlale ibhola okwenyanga eziyithoba minwe mbili njalo bekunzima ukukhetha abadlali abakade bengadlali.

Sizamile ukuthi sibanike ithuba saphinda njalo sakhetha abanye abadlali kumaqembu ebesidlala lawo imidlalo yokuzwana amandla.

Akumelanga ukuba ngikhethe umdlali ngemva kokumbona kanye kodwa njengoba kungadlalwanga imidlalo yeligi sisebenza ngokukhona,” kutsho uLogarusic.

ULogarusic uthe uzakhetha abadlali azahamba labo kwele Cameroon ekuphendukeni kwabadlali enkambeni mhla zingamatshumi amabili lesikhombisa kuyonale inyanga kaMpalakazi.

Lumqeqetshi uthe uzakhetha abadlali abangamatshumi amabili ababalisa abadlali baphakathi kwenkundla kanye labonozinti abathathu.

Abadlali beqembu le FC Platinum bona kabakho kubadlali abalungiselela ukuyaphatheka kumncintiswano we Chan ngoba bephatheke kumkhankaso wokudinga iqembu eliyintshantshu yezwekazi lase Africa owe African Champions League.

Imidlalo ye Chan ikhangelelwe ukuqala mhla zilitshumi lesithupha kunyanga kaZibandlela isiyafika emaphethelweni mhla ziyisikhombisa kunyanga kaNhlolanja.

Iqembu le Zimbabwe likusibaya sika Group A ndawonye leqembu lase Cameroon, iqembu le Mali kanye leqembu le Burkina Faso.

Umncintiswano we Chan ungenwa ngabadlali abadlala besemazweni abadabuka kiwo kuphela njalo umncintiswano womnyaka ozayo ngowesithupha selokhu lumncintiswano wasungulwayo.

please wait

No media source currently available

0:00 0:01:40 0:00

Facebook Forum

XS
SM
MD
LG