Iqembu leHighlanders litshaye eleCaps United nge2 ka nya namuhla emdlalweni oweCastle lager Premier Soccer League (PSL) oqhutshelwe enkundleni yeBarbourfields Stadium koBulawayo.
Abahlohlele iqembu leHighlanders nguAndrew Mbeba kanye loMcKinnon Mushore njalo limpumela itshiye iqembu leBosso lihlezi phezu kwengalane yemiklomelo lilemiklomelo elitshumi lathoba minwe mbili ngemva kwemidlalo eyithoba munwe munye.
Eminye imidlalo edlalwe ngeSonto kusigaba sePSL iphele ngokulandelayo;
Iqembu leDynamos libe ngutshiki lobhanqa 2 ka 2 leleNgezi Platinum Stars ngaseRufaro, iqembu leHwange libe ngutshiki lobhanqa 1 ka 1 leleHerentals ngaseColliery, iqembu leBulawayo Chiefs litshaye eleChegutu Pirates nge 1 ka nya ngaseLuveve, iqembu leManica Diamonds linqobe eleFC Platinum nge1 ka nya ngaseSakubva kuthi eleGreen Fuel libhaxabule eleArenel nge 3 ka nya.
Ngokunqoba elikwenze namhla iqembu leManica Diamonds lihle lakhuphuka layahlala endaweni yesibili engalaneni yemiklomelo lilemiklomelo elitshumi lesithupha.
Forum