amalinks wokungena

Breaking News

Seliphumile Kumncintiswano weSoocer World Cup Iqembu leZimbabwe Warriors


Zimbabwe Warriors

Ngokunqotshwa emdlalweni wangoLwesibili, kutsho ukuba iqembu elimela iZimbabwe emdlalweni wenguqu elamaWarriors kaliseyi kudlala kumncintiswano wenkezo yamazwe womhlaba, eyeWorld Cup, ngomnyaka ozayo.

Emdlalweni obusenkundleni eye Harare National Sports Stadium, ngoLwesibili, amaWarriors adliwe 1 ka zero liqembu lakwele Ghana, ele Black Stars kuhlandla lesibili lemidlalo yezibaya, ngemva kokunqotshwa njalo 3 ka 1 ngoMgibelo liqembu linye emdlalweni obuseGhana kuhlandla lakuqala.

AmaWarriors enelise ukuthola umklomelo owodwa nje, emidlalweni emine eseliyidlalile wezibaya, esesalelwe yimidlalo emibili kuphela. Lokhu kufakaza ukuba leli qembu aliseyi kuyadlala kumcintiswano wamazwe womhlaba ozaqhutshelwa kwele Qatar ngomnyaka ozayo oka2022.

Kodwake ingcwethi ezicubungula ezemidlalo, zikhuthaza iqembu lamaWarriors ukuthi lisebenzise imdilalo esisele yomibili eye World Cup qualifiers ukuthi lizilolonge lilungiselela umncintiswano wenkezo yezwekazi le Africa walonyaka owe 2021 Africa Cup of Nations ozaqhutshelwa kwele Cameroon ekuqaleni komnyaka ozayo.

Ababukele lumdlalo babikwa bevumelana ukuthi iqembu leZimbabwe belingahlelekanga ngitsho lakancane.

Kunje eleZimbabwe lisemsileni wesibaya sikaGroup G, sale imidlalo yokudinga amaqembu azakuyadlala kwele Qatar ngomnyaka ozayo. Kulesi sibaya kulamaqembu athi ele South Africa eliyilo elikhokhelayo ngemiklomelo okwamanje, Ghana, Ethiopia lele Zimbabwe.

Emdlalweni wanamhlanje, eleZimbabwe belilabadlali balo abazintshantshu abagoqela uMarvelous Nakamba, Brendon Galloway loJordan Zemura abadlalela amaqembu akweleNgilande, abangenelisanga ukuzodlala lapho amaWarriors enqikilana lamajaha eqembu le Abafana Bafana lakweleSouth Africa ngenxa yeziqondiso zokudlelana kweNgilande leSouth Africa zokuvimba ukusabalala kweCovid 19.

Imidlalo elandelayo eye Zimbabwe ngephakathi kwayo leEthiopia kanye leleSouth Africa. Kuzamele kuphume iqembu elilodwa kulesi sibaya ukuyangena kumncintiswano wenkezo eye World Cup.

Facebook Forum

XS
SM
MD
LG